19 قىركۇيەك, 12:35 479 0 ايماق دينارا مىڭجاسارقىزى

جيىن-تەرىن قىزعان شاق

كۇز مەزگىلى – جيىن-تەرىننىڭ قىزاتىن شاعى. اۋىلشا­رۋا­شى­لىعى سالاسىن دامىتۋعا قولايلى ءوڭىر – تۇركىستان وبلىسىنداعى جۇرت ءداندى-داقىل، جەمىس-جيدەك، ماقتا تەرىمىنە كىرىسىپ كەتتى. ءار اۋدان ءونىم كولەمى بويىنشا جاقسى جەتىستىگىمەن قۋانتۋدا.

تۇركىستان وبلىسىنىڭ اكىمى ءومىر­زاق شوكەەۆ كەلەس اۋدانىنداعى الەۋمەتتىك ماڭىزى بار جوبالاردىڭ جۇ­مى­سىن ارالاپ كوردى. اۋەلى ءوڭىر باسشىسى بىرتىلەك اۋىلدىق وكرۋگىندە ورنالاسقان «ابزال» جانە «بەرەكە» شارۋا قوجا­لىق­تارىندا اتقارىلىپ جاتقان جۇمىستارمەن تانىستى. مۇنداعى دي­قان­دار كوكونىس ونىمدەرى، كارتوپ، قىرىققابات، پياز ەگۋ­مەن اينالىسادى. شارۋالار ال­دىڭعى قاتارلى تەحنولوگيانى قولدانا وتىرىپ، ءبىر جىلدا ەكى-ءۇش رەت ءونىم الۋ ءادىسىن مەڭ­گەرگەن. بيىلدىڭ وزىندە اتالعان ءتا­جىريبە اياسىندا 29 جوبا جۇزەگە اسقان. ءناتي­جە­سىندە، اۋداننىڭ اگرارلىق الەۋەتى كوتە­رى­لۋدە.

سونداي-اق، جۇمىس ساپارى  اباي اۋى­لىندا جالعاسقان وبلىس اكىمى «اۋىل – ەل بەسىگى» باعدارلاماسى اياسىندا ءجۇر­گىزىلىپ جاتقان اباتتاندىرۋ جۇمىستارىن كور­دى. رەسپۋبليكالىق بيۋدجەتتەن قارجى­لان­دىرىلعان اۋقىمدى قۇرىلىس جوبا­سى­نىڭ اياسىندا 23 كوشەنى تولىق جوندەۋ كوز­دەل­گەن. ومىرزاق ەستايۇلى جولداردى جونگە كەلتىرۋ جۇمىستارىنىڭ تالاپقا ساي، ساپالى جۇرگىزىلۋىن قاداعالاۋدى تاپ­سىردى. ساپار بارىسىندا وبلىس باسشىسى اباي اۋىلى اۋماعىنان وتەتىن «ارانشى – 1» سۋ ارناسىن تەحنيكالىق تازالاۋدان وتكىزۋ جۇمىستارىن دا نازاردان تىس قالدىرمادى. جەتى شاقىرىمعا سوزىلعان سۋ ارناسى بىتەلىپ، اعىسى باياۋلاعان. جىلدار بويى جەرگىلىكتى حالىقتى ابىگەرگە سالىپ كەلگەن ماسەلە شەشىمىن تاپقانىنا ەل ريزا. كوكتەم-كۇز ايلارىندا سۋ تاس­قىنى قاۋپى تونسە، ناعىز كەرەك كەزىندە شارۋالار سۋدان تاپشىلىق كورەتىن. سونىڭ سالدارىنان 380 گەكتار سۋارمالى جەرگە سۋ جەتپەي، يگەرۋسىز قالدى. جوندەۋ جۇمىستارى تولىق اياقتالىپ، سۋارمالى جۇيەلەر ىسكە قوسىلعان سوڭ قوشقاراتا اۋىلدىق وكرۋگىندەگى ەگىستىك جەرلەردىڭ اۋماعىن 450 گەكتارعا ۇلعايتۋ كوزدەلگەن. وبلىس اكىمى رەسپۋبليكالىق ماڭىزى بار ا-15 اۆتوجولىنىڭ بويىن اباتتاندىرۋ جانە اعىمداعى جوندەۋ جۇمىستارىنىڭ بارىسىمەن دە تانىستى. جوسپارعا سايكەس جوبا قازان ايىنىڭ سوڭىنا دەيىن اياق­تالۋى ءتيىس.

سول سياقتى بيىل ماقتاارالدىق شا­رۋالار 38 مىڭ گەكتاردان اسا جەرگە ماقتا شي­تىن سەپكەن.  ەڭ ءبىرىنشى بولىپ ج.نۇر­لىباەۆ اۋىلدىق وكرۋگىنە قاراستى «نۇر­جان» شارۋا قوجالىعى ءونىمىن جيناۋدى باستادى. 5,8 گەكتار جەرگە «ماقتاارال 47/27» ماقتا سورتىن ەككەن قوجالىق 27 تسەنتنەردەن ءونىم الۋدا. ماقتا تەرىمىنە جەرگىلىكتى اۋىل تۇرعىندارى قاتىسىپ، كەلىسىنە 30 تەڭگەدەن ەڭبەكاقىلارى بەرىلۋدە. بيىل ماقتاارالدىق شارۋالار 38 مىڭ گەكتاردان اسا جەرگە ماقتا ءشيتىن سەپكەن. ال بىلتىر اق ۇلپادان 96 مىڭ توننا ءونىم جينالعان ەدى. اۋا رايى مەن زيانكەستەرگە بايلانىستى ورتاشا ءونىم­دىلىك 25 تسەنتنەرگە ارەڭ جەتكەن بولاتىن. ال، بيىل بۇل مەجەدەن اسامىز دەگەن جوس­پارىن «قازىرگى تاڭدا ماقتا القاپتارىندا جا­پىراقتاردى قۋراتۋ جۇمىستارى باس­تالىپ كەتتى. اۋدان بويىنشا 7842 گەكتار عانا ماقتالىق القاپ دەفولياتسيالانعان. بۇل – وتە تومەن كورسەتكىش. سوندىقتان شا­رۋالارعا ءتۇسىندىرۋ جۇمىستارىن با­رىن­شا جۇرگىزۋدەمىز. كۇنى كەشە عانا اۋدان اكىمى باقىت اسانوۆتىڭ باستا­ما­سىمەن ءدال وسى ماسەلە بويىنشا سەمينار-كەڭەس ءوت­كىزدىك»، – دەدى اۋداننىڭ اۋىل شارۋا­شى­لى­عى ءبولىمىنىڭ باسشىسى وسەر مىر­زام­دانوۆ. بىلتىر اۋداندا ماقتا وندىرەتىن 5 زاۋىت جانە ماقتا قابىل­داي­تىن 69 بەكەت شارۋالارعا قىزمەت كورسەتكەن ەدى.

وبلىس اكىمى ومىرزاق شوكەەۆ ماق­تا­ارال اۋدانىنا دا ات باسىن بۇردى.  «وتان انا» شارۋا قوجالىعىنىڭ دالا جۇمىس­تارىمەن تانىسۋدىڭ بارىسىندا  ماقتا­ارالدىق شارۋالاردىڭ 3 رەت ءونىم الۋدى جوسپارلاپ وتىرعانى ايتىلدى.

مۇنداعى ديقاندار جوڭىشقا، داندىك جۇگەرى، قاربىز جانە باسقا دا كوكونىستەر تۇرلەرىن ەگۋمەن اينالىسادى. اتالعان شارۋا قوجالىعى دوستىق اۋىلىندا ورنالاسقان. 73,9 گەكتار ەگىس سالادى. شا­رۋالار سوڭعى جىلدارى كەڭىنەن قولدا­نى­لاتىن تامشىلاتىپ سۋارۋ ءادىسىنىڭ ءتيىم­دى­لىگىن كورۋدە. سونىڭ ارقاسىندا تابىس كولەمىنىڭ دە ارتىپ وتىرعانىن ايتادى. الداعى ۋاقىتتا ديقاندار جىلىنا 3 رەت ءونىم جيناۋدى جوسپارلاۋدا.

«تابىستىڭ ۇلعايعانى جاقسى. بىراق، كولەمىن ارتتىرىپ العانعا دەيىن ساق­تايتىن جەردى دە ويلاستىرعان ءجون. قويما سانىن كوبەيتۋ كەرەك»، – دەدى ءومىر­زاق ەس­تايۇلى شارۋا قوجالىق­تا­رىنىڭ يەلەرىنە. بيىلعى جىلدىڭ تامىز ايىنداعى كور­سەت­كىش بويىنشا جالپى ماقتاارال اۋ­دانىندا اۋىل شارۋاشىلىعى سالاسىندا وندىرىلگەن ءونىم كولەمى 8028 ملن تەڭگەنى قۇراعان.

وبلىس باسشىسى ماقتاارال اۋدانىن دا­مىتۋ ماقساتىندا قولعا الىنعان جوبالاردىڭ جۇزەگە اسىرىلۋ جاعدايىن دا نازاردان تىس قالدىرمادى. اۋداندى كورىكتەندىرۋ مەن اباتتاندىرۋ جۇمىس­تا­رى دا باستى نازاردا. مىرزاكەنت كەن­تىندەگى ورتالىق ساياباقتا، داڭق گۇلزا­رىن­دا قايتا جاڭعىرتۋ جۇمىستارى قىزۋ ءجۇ­رىپ جاتىر. مادەنيەت ءۇيى كۇردەلى ءجون­دەۋ­دەن وتۋدە. ومىرزاق ەستايۇلى قۇرىلىس جۇمىستارى بارىسىندا كانالي­زا­تسيا مەن گاز قۇبىرىن جۇرگىزۋدىڭ ماڭىزدىلىعىن اتاپ ءوتتى.

بۇدان كەيىن ءوڭىر باسشىسى ءشيتتى ماق­تانى تاسىمالداۋعا ارنالعان «2پتسح-10-45» مودەلدى تراكتور تىركەمەسىنىڭ ءون­دى­رىسىندە بولدى. ءوندىرىس ورنى اۆتوتۇراق، اكىمشىلىك عيماراتى، تارازى جانە قويما، تەحنيكالىق قىزمەت كورسەتۋ ورتالىعى مەن قوسالقى بولشەكتەر قويماسىمەن جابدىقتالعان.

 

 

سوڭعى جاڭالىقتار