18 قىركۇيەك, 15:07 404 0 ساياسات انار لەپەسوۆا

ەل قالالارىنىڭ قانداي ورىندارىندا شەرۋ وتكىزۋگە رۇقسات بەرىلگەن؟

ەلىمىزدە ميتينگتەر مەن نارازىلىق اكتسيالارى بىرىنەن سوڭ ءبىرى ءوتىپ، پوليتسيا شەرۋشىلەردى شەتىنەن ۇستاي باستاعاندا، پرەزيدەنتتىكتى قولعا العان قاسىم-جومارت توقاەۆ «بۇدان بىلاي ارنايى ورگاندار ميتينگتەرگە بوگەت بولمايدى» دەگەن ەدى. ءتىپتى، سوڭعى جولداۋىندا اكىمدەرگە ميتينگ وتەتىن جەرلەردى قالا ىشىنەن بەلگىلەۋدى تاپسىرعان دا بولاتىن. پرەزيدەنت تاپسىرماسى قانشالىقتى ورىندالىپ،  ميتينگكە قانداي جەرلەردى بەلگىلەگەن؟ بۇل سۇراققا 31 ارنا جاۋاپ ىزدەپ كورىپتى.

بيىل قازاقستان تاريحىندا ميتينگىلەر مەن تولقۋلار ەڭ كوپ وتكەن جىل. انالاردىڭ باس كوتەرۋى، سايلاۋ كەزىندەگى تولقۋلار، قىتاي زاۋىتتارىنا قارسىلىق، ساياسي تۇتقىنداردى بوساتۋ تۋرالى جەكە ادامداردىڭ پيكەتتەرىمەن جالعاستى. العاشىندا پوليتسيا رۇقسات ەتىلمەگەن دەپ باس كوتەرگەندەردى تۇتقىنداپ جاتسا، پرەزيدەنت تاپسىرماسىنان سوڭ ءار قالا ميتينگىگە ارنالعان الاڭ دايىندادى.

تالدىقورعاننىڭ "جەڭىس" ساياباعىندا قالالىق ءماسليحاتتىڭ شەشىمىمەن ميتينگ، پيكەت وتكىزۋگە رۇقسات ەتىلگەن. تالدىقورعا قالاسى بويىنشا مۇنداي جيىنداردى 4 جەدە وتكىزۋگە بولادى. "ارداگەرلەر" ساياباعى مەن قالاعا قاراستى ەركىن، وتەناي اۋىلدارىندا ەسكەرتكىش الاڭىنا رۇقسات بەرىلگەن.

كەي قالادا ميتينگ وتكىزۋگە ىلۋدە بىرەۋگە عانا رۇقسات بەرىلگەن. 2016 جىلى قالالىق ءماسليحاتتىڭ شەشىمىمەن مامىرتوعاي مەن قالالىق مادەنيەت ءۇيىنىڭ الدىندا ميتينگ وتكىزۋگە رۇقسات بەرىلگەن. مۇندا ەل ىشكى نارازىلىعى مەن تالاپ-تىلەگىن ايتا الادى. ال، قالالىق اكىمدىك وسى ءۇش جىلدا تەك ءبىر رەت، يەگوۆو كۋاگەرلەرىنە قارسى نارازىلىق اكتسياسىن وتكىزۋگە رۇقسات بەرگەن.

قاراعاندى وبلىسىندا سوڭعى ەكى جىلدى بيلىك 54 ورىندى بەكىتىپ قويعان. ال، قاراعاندىنىڭ وزىندە ايعاي-شۋسىز ميتينگىلەر 5 ورىندا ۇيىمداستىرىلماق. ول "ليتەيششيك" ستاديونى، قالي بايجانوۆ اتىنداعى گۇلزار، لەنين كينوتەاترىنىڭ ارتى، "دوستىق" گۇلزارى مەن پريشاحتينسكىدەگى جاستار ءۇيى. بۇل ايماقتا بەلسەندىلەردەن ميتينگ وتكىزۋگە ءالى بىردە ءبىر رەت ارىز تۇسكەن جوق.

قاراعاندى قالاسىندا عانا ەمەس، ءالى ءبىر دە ءبىر قالادا پرەزيدەنت جولداۋىنان سوڭ وپپوزيتسيالىق رينگتەگى اكتسيا وتكەن جوق.

سوڭعى جاڭالىقتار