17 قىركۇيەك, 14:32 422 0 ساياسات انار لەپەسوۆا

مەملەكەت باسشىسى جاقسىنىڭ ەگىنشىلەرىمەن تىلدەستى

اقمولا وبلىسىنا جۇمىس ساپارىمەن كەلگەن قاسىم-جومارت توقاەۆ وڭىردەگى ەگىن ورۋ ناۋقانىمەن تانىستى. پرەزيدەنت جاقسى اۋدانىنا سوعىپ، قاراپايىم شارۋالارمەن تىلدەستى.

قاسىم-جومارت توقاەۆتىڭ شاعىن عانا ەلدى-مەكەنگە ات باسىن بۇرۋىنىڭ وزىندىك ءمانى بار. جاقسىنىڭ ۇنى، جارماسى، قۇراما جەمى مەن ەت پەن ءسۇتى قازاقستاننان قىتايعا دەيىن، اۋعانستان مەن تمد ەلدەرىنىڭ تۇتىنۋشىلارىنا جاقسى تانىس. مەملەكەت باسشىسى تانىسقان «ايبات» شارۋاشىلىعىنىڭ 17 مىڭ گەكتارىنىڭ بارلىعى تسيفرلاندىرىلعان. جەردى ءتيىمدى يگەرۋمەن قاتار، جاقسى اۋدانىندا وڭدەۋ ءىسى وڭ جولعا قويىلعان. پرەزيدەنت مەملەكەتتىڭ اۋىل شارۋاشىلىعى سالاسىنا بەرىپ وتىرعان قارجىلاي دەمەۋى ناقتى ناتيجە بەرۋى كەرەكتىگىن ايتتى.

اۋىل شارۋاشىلىعى ونىمدەرىنىڭ وڭدەلۋىن قولعا الىپ، دايىن ءونىم شىعارۋ، اۋىلدا جۇمىس ورىندارىن كوبەيتۋ تۋرالى مەملەكەت باسشىسىنىڭ حالىققا جولداۋىندا ەرەكشە ءمان بەرىلگەن ەدى. جاقسى اۋدانى وسى مىندەتتەردى ناتيجەلى ىسكە اسىرىپ وتىرعان ايماقتىڭ ءبىرى. اۋىل استىقتىڭ عانا ورداسى ەمەس، چەمپيونداردىڭ دا بەسىگى. ەگىن القابىنان كەيىن پرەزيدەنت جەرگىلىكتى سپورت مەكتەبىنە سوعىپ، قازاقستاننىڭ ەڭ ءىرى استىق قويمالىرىنىڭ ءبىرىنىڭ جۇمىسىمەن تانىستى. جاقسى ەلەۆاتورىنىڭ 300 مىڭ توننا استىق ساقتايتىن قۋاتى بار. كۇنىنە 520 توننا ۇن 240 توننا قۇراما جەم جانە 30 توننا جارما وندىرەدى.

سوڭعى جاڭالىقتار