17 قىركۇيەك, 12:32 411 0 جاڭالىقتار انار لەپەسوۆا

بەيجىڭگە اتتانعان ۇشاقتىڭ اۋەجايعا قايتىپ ورالۋ سەبەبى انىقتالدى

نۇر-سۇلتان – بەيجىڭ باعىتىندا جولعا شىققان Aibus A321neo ۇشاعىنىڭ نەلىكتەن اۋەجايعا قايتىپ ورالعانى انىقتالدى. «ەير استانا» كومپانياسىنىڭ ءباسپاسوز قىزمەتىنىڭ حابارلاۋىنشا، ۇشاقتىڭ قوزعالتقىشىنان اقاۋ شىققان. 

«ۇشاق اۋەگە كوتەرىلگەننەن كەيىن بەلگى بەرۋ جۇيەسى ىسكە قوسىلىپ، قوزعالتقىشتان اقاۋ شىققانى تۋرالى حابار تۇسىرگەن. قاۋىپسىزدىك نۇسقاۋلىعىنا سايكەس، ەكيپاج اۋەجايعا قايتىپ، اقاۋدى جويۋ كەرەك دەگەن شەشىم قابىلداعان. ۇشاق شتاتتىق رەجيمدە قوندى»، - دەلىنگەن اۋە كومپانياسىنىڭ ءباسپاسوز قىزمەتى تاراتقان اقپاراتتا.

ۇشاقتا بولعان 128 جولاۋشى جەرگىلىكتى ۋاقىت بويىنشا ساعات 4.00-دە باسقا رەيسپەن ساپارلارىن جالعاستىرعان. «اۋە كومپانياسى جاعدايدى ناقتىلاۋ ءۇشىن ۇشاق وندىرۋشىسىنە رەسمي ساۋال جولدادى. قاۋىپسىزدىك – ءبىز ءۇشىن نەگىزگى باسىمدىق»، – دەلىنگەن كومپانيانىڭ مالىمەتىندە.

سوڭعى جاڭالىقتار