17 قىركۇيەك, 10:07 435 0 ساياسات انار لەپەسوۆا

ەرمۇحامەت ەرتىسباەۆ: بىزگە ءابليازوۆتىڭ ەكسترەميزمى كەرەك ەمەس

مۇحتار ابليازوۆ قۇرعان «قازاقستاننىڭ دەموكراتيالىق تاڭداۋى» قوزعالىسىنىڭ قوزعاۋشى كۇشى جوق. 13 قىركۇيەكتە قاشقىن بانكيرمەن پىكىرتالاسقا تۇسكەن ەرمۇحامەت ەرتىسباەۆ «ليتەر» گازەتىندە جارىق كورگەن ماقالاسىندا وسىنداي پىكىر ءبىلدىردى. مەملەكەتتىك بيلىك وكىلدەرىنىڭ الاياقپەن بايلانىسپاعانىڭ دۇرىس دەگەن ەسكەرتۋلەرىنە قاراماستان، ابليازوۆپەن پىكىر جارىستىرعان ەرتىسباەۆ بۇل ارەكەتى ارقىلى ينتەرنەت پەن نارازىلىقتار اراسىنداعى سەبەپ-سالدارلىق بايلانىس ماسەلەسىنە قوعام نازارىن اۋدارۋدى كوزدەگەن.

«قانداي الەۋمەتتىك توپتار ءابليازوۆتىڭ قوزعاۋشى كۇشى بولىپ وتىر؟ زاۋىتتار مەن وندىرىستەر مە؟ جوق. مۇعالىمدەر مەن ستۋدەنتتەر؟ جوق. مۇعالىمدەر، دارىگەرلەر، قىزمەت كورسەتۋ سالاسىنىڭ ماماندارى ما؟ جوق. شاعىن جانە ورتا كاسىپ يەگەرلەرى مە؟ جوق {.....}»، - دەگەن ەرتىسباەۆ ءابليازوۆتىڭ حالىق تۋرالى ءجيى ايتاتىندىعىن، دەگەنمەن حالىقتىڭ ءوزى ابستراكتىلى تۇسىنىك ەكەنىن العا تارتتى. ياعني حالىق بەلگىلى ءبىر الەۋمەتتىك توپتاردان، اتى-ءجونى بار ءتىرى ادامداردان تۇرادى. «دەموكراتيا – بۇل ازشىلىقتىڭ قۇقىعىن سىيلايتىن كوپشىلىكتىڭ بيلىگى. رۇقسات ەتىلگەن شەرۋلەر وتكىزۋدە بيلىك پەن قوعام ازشىلىقتىڭ قۇقىعىن قۇرمەتتەيدى، بىراق ازشىلىق تا كوپشىلىكتىڭ قۇقىعىن قۇرمەتتەۋى ءتيىس»، – دەيدى ەرمۇحامەت ەرتىسباەۆ.

ول ەلدە رۇقسات ەتىلمەگەن شەرۋلەر وتەر الدىندا ءوزىنىڭ بار تانىس-بىلىستەرى، دوستارى ءوز بالالارىنا «مىناداي كۇنى مىناداي ۋاقىتتا كوشەگە شىعۋشى بولما» دەپ ايتاتىندىعىن العا تارتادى. «سونداي شەرۋلەر وتكەن كۇنى تۇرعىنداردان قانشاما شاعىم تۇسەدى، البەتتە تەرەزەنىڭ الدىندا ىعى-جىعى، شۋ، پوليتسيا كولىكتەرىنىڭ دابىلى. مۇنداي كۇندەرى كوبى جوسپارلارىن كەيىنگە ىسىرا تۇرىپ، قالادان شىعىپ كەتۋگە تىرىسادى»، – دەگەن ەرتىسباەۆ ەندى رۇقسات ەتىلگەن شەرۋدەن تەك حابار بەرىپ قانا شەرۋگە شىعۋ دەگەننىڭ ويعا قونبايتىنىن ايتادى. بىراق ونىڭ پىكىرىنشە ابليازوۆ «توتى قۇس قۇساپ ءبىر ءسوزى قايتالاي بەرۋدەن جالىعار ەمەس: قازاقستاندا ەركىندىك، دەموكراتيا جوق، ادامداردى بوس پلاكات ءۇشىن دە تەمىرتورعا توعىتىپ جاتىر». «قاشقىن بانكيردىڭ بۇل بازىناسى الەۋمەتتىك جەلىدە بۇقارانىڭ نازارىن اۋدارۋعا ارەكەت ەتۋدە»، - دەيدى ەرتىسباەۆ سۇحبات بارىسىندا.

سوڭعى جاڭالىقتار