16 قىركۇيەك, 12:06 435 0 سپورت انار لەپەسوۆا

"ونسىز دا سىزدەر سولاي اتايسىزدار": جانىبەك وزىنە لاقاپ ات تاڭدادى

ەل نامىسىن قورعاپ جۇرگەن كاسىپقوي بوكسشى (7-0, 2 كو) جانىبەك ءالىمحانۇلى ەندى رينگكە Qazaq style لاقاپ اتىمەن شىعادى.

«كاسىپقوي بوكستا ءار بوكسشىنىڭ لاقاپ اتى بار. بىرەۋلەرى لاقاپ اتتى ءوزى تاڭدايدى، ەندى بىرەۋلەرگە جانكۇيەرلەر قويادى. وزدەرىڭىز جاقسى بىلەسىزدەر مەنى امەريكادا جانكۇيەرلەر، باپكەرلەر Qazaq style دەپ اتايدى. قازاقستاندىق جانكۇيەرلەر دە وسىلاي اتاپ كەتتى. كوپ ويلانباستان لاقاپ اتىمدى QAZAQ STYLE دەپ اتاۋدى ءجون كوردىك. ونسىز دا سىزدەر سولاي اتايسىزدار. ءبىز ءجاي عانا رەسميلەندىرىپ قويايىق. بوكسرەككە (BoxRec نەمەسە boxrec.com — كاسىپقوي بوكسشىلار تۋرالى مالىمەتتەر، رەيتينگتەر سايتى) ەنگىزىپ قويدىق. بۇيىرتسا QAZAQ STYLE-دى الەمگە تانىتۋعا بار كۇشىمىزدى سالامىز! جەڭىستە جۇزدەسەيىك!»، - دەپ جازدى بوكسشى Instagram-داعى پاراقشاسىنا.

ەسكە سالا كەتسەك، سوڭعى ايقاسىندا جانىبەك ءالىمحانۇلى 27 رەت جەڭىسكە جەتكەن قارسىلاسىن نوكاۋتقا تۇسىرگەن بولاتىن. ورتا سالماقتاعى ون راۋندقا سوزىلعان ايقاستا ءالىمحانۇلى كانادالىقتى بەسىنشى راۋندتا تەحنيكالىق نوكاۋتپەن جەڭدى.

سوڭعى جاڭالىقتار