15 قىركۇيەك, 16:57 495 0 زاڭ انار لەپەسوۆا

ەلوردادا حالىقارالىق ىزدەۋدە جۇرگەن وزبەكستاندىق ۇستالدى

نۇر-سۇلتاندا حالىقارالىق ىزدەۋدە جۇرگەن وزبەكستاندىق ازامات قولعا ءتۇستى، دەپ حابارلايدى قر ءىىم ءباسپاسوز قىزمەتى.

ەلوردا پوليتسەيلەرى «زاڭسىز كەلۋشى-ارنا-ميگرانت» جەدەل الدىن الۋ ءىس-شاراسىنىڭ ناتيجەلەرىن شىعاردى.

«ءىس-شارا 9 قىركۇيەكتەن باستاپ وتكىزىلدى جانە كوشى-قون زاڭناماسىن بۇزۋدى انىقتاۋعا، زاڭسىز كوشى-قون ارنالارىنىڭ جولىن كەسۋگە، ءتيىستى رۇقسات قۇجاتتارىنسىز ەڭبەك قىزمەتىن جۇزەگە اسىرۋشى كوشىپ-قونۋشىلاردى تەكسەرۋگە، ىزدەۋدە جۇرگەن ادامداردى انىقتاۋعا جانە ۇستاۋعا باعىتتالدى»، - دەلىنگەن دەپارتامەنتتىڭ اقپاراتىندا.

جەدەل الدىن الۋ ءىس-شاراسى بارىسىندا كوشى-قون قىزمەتىنىڭ قىزمەتكەرلەرى حالىقارالىق ىزدەۋدە جۇرگەن 32 جاستاعى وزبەكستان ازاماتىن ۇستادى. انىقتالعانداي، وسى جىلدىڭ ءساۋىر ايىنان باستاپ ەر ادام سانكت-پەتەربۋرگ قالاسىنىڭ اۋماعىندا دەنساۋلىققا قاساقانا اۋىر زيان كەلتىرگەنى ءۇشىن ىزدەستىرىلۋدە جۇرگەن. سونىمەن قاتار وپەراتسيا بارىسىندا پوليتسەيلەر سوت شەشىمىن ورىنداماعانى ءۇشىن 23 جاستاعى وزبەكستان رەسپۋبليكاسىنىڭ ازاماتىنا قاتىستى قىلمىستىق ءىس قوزعادى. ول قاڭتار ايىندا قازاقستان رەسپۋبليكاسىنىڭ شەگىنەن اكىمشىلىك جولمەن شىعارىپ جىبەرۋ تۇرىندەگى جاۋاپتىلىققا تارتىلعان. الايدا بۇگىنگى كۇنگە دەيىن ول سوت شەشىمىن ورىنداماعان.

«زاڭسىز كەلۋشى-ارنا-ميگرانت» جەدەل الدىن الۋ ءىس-شاراسى بارىسىندا بارلىعى 900-دەن اسا كوشى-قون سالاسىنداعى اكىمشىلىك زاڭنامانى بۇزۋشىلىق انىقتالدى. ونىڭ ىشىندە 900-گە جۋىق شەتەلدىك ازامات رەسپۋبليكادا بولۋ قاعيداسىن بۇزعانى ءۇشىن اكىمشىلىك جاۋاپتىلىققا تارتىلىپ، 200 شەتەلدىك ازاماتقا قاتىستى قر اۋماعىندا بولۋ مەرزىمىن قىسقارتۋ تۋرالى شەشىم قابىلدانعان.

سوڭعى جاڭالىقتار