13 قىركۇيەك, 12:00 507 0 جاڭالىقتار ءTúrkىstan International Political Weekly

كىتاپقۇمارلار التىنشى رەت باس قوستى

الماتىدا قالا كۇنى مەرەكەسىنە وراي وتكىزىلەتىن ءداستۇرلى شارالاردىڭ ءبىرى – كىتاپ فەستيۆالى. بيىل دا داستۇردەن جاڭىلماعان ۇيىمداستىرۋشىلار التىنشى مارتە قالالىق كىتاپقۇمارلاردىڭ باسىن قوستى. جىلدان-جىلعا كەلۋشىلەرىنىڭ قاتارى ارتىپ كەلە جاتقان شارانىڭ وقىرماندارعا بەرەرى كوپ.

بيىلعى فەستيۆالدىڭ وزىندىك ەرەكشەلىكتەرى جەتەرلىك. كىتاپ جارمەڭكەسى، وقىرماندارعا قى­زىقتى تانىمدىق سەمينارلار، ءتۇرلى باسپالاردىڭ كىتاپ كورمەسىنەن بولەك، شارا قاتىسۋشىلارى تانىمال  اۆتورلارمەن جۇزدەسىپ، اشىق اڭگىمە قۇرۋعا مۇمكىندىك الدى. داستان قادىرجانوۆ، دانا ورمانباەۆا، مەرۋەرت الونسو سەكىلدى قالام­گەرلەر كەلۋشىلەرگە وزدەرىنىڭ شىعارما­شى­لىقتارى تۋرالى باياندادى. ال  «بلوگەرلەر شاتىرىندا» الەۋمەتتىك جەلى بەلسەندىسى شىڭعىس مۇقان وقىرماندارمەن جۇزدەسىپ، ولاردى قىزىقتىرعان ساۋالدارعا جاۋاپ بەردى.

فەستيۆالعا 30-عا جۋىق كىتاپ باسپاسى مەن كىتاپ دۇكەندەرى قاتىستى. جىبەك جولى داڭ­عىلىندا ورنالاسقان الاڭدا ارنايى شاتىرلار تىگىلىپ، وقىرماندار ءتورت بولىمنەن تۇراتىن شاراعا بەلسەنە قاتىستى. ۇيىمداس­تىرۋ­شى­لاردىڭ ايتۋىنشا، فەستيۆالدىڭ باستى ماقساتى – بالالار مەن جاستار  اراسىندا كىتاپ وقۋ ءۇردىسىن نا­سي­حاتتاپ، ولارعا تەحنيكا مەن عالام­تور ۇستەمدىك قۇرعان زاماندا دا كىتاپتىڭ ءرولىن ءبا­سەڭدەتپەۋ.

«كىتاپ وقۋ دەڭگەيى تومەندەپ كەتتى دەپ جاتىرمىز. سەبەبى بۇكىل الەمدىك ادەبيەت، تانىمدىق ادەبيەت قازاق تىلىنە لەك-لەگىمەن اۋدارىلىپ جاتقان جوق. كەڭەس  ۇكىمەتى كەزىندە كلاسسيكالىق تۋىندىلار جاپپاي اۋدارىلدى، سوسىن توقتاپ قالدى. قازىر ەلباسىنىڭ باستاماسىمەن مىڭ، ءجۇز وقۋلىق اۋدارىلىپ جاتىر.  مىڭ دەپ اۋزىما قۇداي بەكەر سالماعان شىعار، مىڭعا جەتسىن، ءتىپتى ودان اسسىن. قازاق تىلىندە ساپالى ادەبيەت كەڭ تاراعان سايىن ونىڭ وقىلۋى دا كوبەيەدى دەپ ويلايمىن»، – دەيدى «مازمۇنداما» قورىنىڭ جەتەكشىسى شىڭعىس مۇقان.

 

انار باۋىرجانقىزى

 

سوڭعى جاڭالىقتار