13 قىركۇيەك, 11:38 482 0 ءبىلىم ءTúrkىstan International Political Weekly

اۋىل دەپ سوققان جۇرەگى...

جۋىردا الماتى وبلىسى، اقسۋ اۋدانىنىڭ اقسۋ اۋىلىنا جۋرناليستەر ءۇشىن پرەسس-تۋر ۇيىمداستىرىلدى. ۇيىمداستىرۋشىلاردىڭ ايتۋىنشا، نەگىزگى ماقسات قر تۇڭعىش پرەزيدەنتى ن.ءا.نازارباەۆتىڭ «رۋحاني جاڭعىرۋ» باعدارلاماسىن جۇزەگە اسىرۋدا جاسالعان جۇمىستارمەن باق وكىلدەرىن تانىستىرۋ. سوڭعى جىلدارى اۋىلعا قايىرىمدى جانداردىڭ شاپاعاتى كوپ  تيگەن.

 «تۋعان جەرگە تۋىڭدى تىك» دەگەن ەلباسىمىزدىڭ ءبىر اۋىز ءسوزىن ءىلىپ اكەتكەن اۋىلدان شىققان جومارت جاندار 1964 جىلى ىرگەتاسى قالانعان مەكتەپكە كۇردەلى جوندەۋ جۇمىستارىن جاساپ، شالعايدا قاراۋسىز قالعان ءبىلىم ورداسىنىڭ ۇستازدارى مەن بالالارىنا قۋانىش سىيلادى. مەكتەپ اكىمشىلىگىنىڭ ايتۋىنشا، ءبىلىم مەكەمەسىنىڭ جوندەۋ جۇمىستارىنا كاسىپكەر، مەتسەنات نۇرباەۆ مولديار مۇرىندىق بولعان. «ءوزىم تۋعان اۋىل، وقىعان مەكتەبىمە جاساعان بۇل ءىس مەنىڭ ازاماتتىق بورىشىم دەپ بىلەمىن. ءار قازاق بالاسى تۋعان جەرىنىڭ گۇلدەنۋىنە ءتۇيىر پايداسى تيسە، اۋىل ستاتۋسى بيىكتەي تۇسەدى»، – دەيدى مەتسەناتتىڭ ءوزى. وسىعان دەيىن جارتى عاسىرلىق تاريحى بار ورتا مەكتەپ بىردە-ءبىر كۇردەلى جوندەۋ كورمەي، جىلۋ جۇيەسى قيراپ، توبەدەن سۋ، تەرەزەسىنەن جەل گۋىلدەپ تۇرعان. جومارت جانداردىڭ ارقاسىندا مەكتەپتىڭ شاتىرى، تەرەزە، ەسىك، ەدەنى جاڭارتىلىپ، كومپيۋتەرلىك بولمە قايتا جابدىقتالدى. سونداي-اق، مەكتەپ اكىمشىلىگىنە كولىك سىيعا بەرىلدى. اۋىل تۇرعىنى بيكەن بايەتوۆا: «بۇل – كەڭەس زامانىندا سالىنعان مەكتەپ. ءالى سان مىڭداعان شاكىرتتەردى تاربيەلەيدى، ءبىلىم نارىمەن سۋسىنداتادى دەگەن سەنىمدەمىن. قايىرىمدى جاندارعا راحمەت ايتۋدان جالىقپايمىز»، – دەيدى. اقسۋلىق كاسىپكەرلەر الداعى ۋاقىتتا مەكتەپ جانىنان سپورت كومپلەكسىن سالۋدى جوسپارلاپ وتىر.

 

م. قۇسايىنوۆ

 

سوڭعى جاڭالىقتار