13 قىركۇيەك, 10:34 465 0 زاڭ انار لەپەسوۆا

پويىز ءجۇرىسىن توقتاتقاندار ايىپپۇل ارقالايدى

«جولاۋشىلار تاسىمالى» اق قازاقستان رەسپۋبليكاسىنىڭ اكىمشىلىك قۇقىق بۇزۋشىلىق كودەكسىنە سىلتەمە جاساي وتىرىپ، جۇك ۆاگوندارىندا زاڭسىز جول جۇرگەنى ءۇشىن، پويىزدىڭ قوزعالىس كەزىندە وعان وتىرۋ جانە ودان ءتۇسۋ، باسقىش پەن ۆاگون ۇستىندە ءجۇرۋ، زاڭسىز پويىز ءجۇرىسىن توقتاتقانى ءۇشىن 5 ايلىق ەسەپتىك كورسەتكىش مولشەرىندە ايىپپۇل سالىناتىنى تۋرالى ەسكەرتەدى, دەپ حابارلايدى «جولاۋشىلار تاسىمالى» اق ءباسپاسوز ورتالىعى.

سونداي-اق ۆاگون تەرەزەسى مەن ەسىكتەرىنەن قوقىس تاستاعانى جانە قوزعالىس كەزىندە ۆاگون ەسىكتەرىن اشقانى ءۇشىن 3 ايلىق ەسەپتىك كورسەتكىش مولشەرىندە ايىپپۇل سالىنادى.

اعىمداعى جىلدىڭ العاشقى 8 ايىندا كومپانياعا قاراستى پويىز باعىتتارىندا 91 رەت ستوپ (توقتاتۋ) كرانىنىڭ جۇلىنعانى انىقتالدى. ونىڭ 27-ءسى جولاۋشىلاردىڭ ۇقىپسىزدىق سالدارىنان، 14 رەت – پويىزعا كەشىككەندىكتەن، ال 5 رەت جولاۋشىلاردىڭ جولدا دەنساۋلىقتارىنىڭ ناشارلاۋىنا قاتىستى جۇلىنعان.

سول سياقتى 8 رەت شويىن جول ۇستىندەگى بوگدە ادامداردىڭ ومىرىنە قاۋىپ تونگەن كەزدە جانە دە ستانساعا توقتاعان ۋاقىتتا جولاۋشىلاردىڭ ءتۇسىپ ۇلگەرمەگەن ساتتە 6 رەت، سونىمەن بىرگە 3 رەت ماس جولاۋشىلار مەن شىعارىپ سالۋشىلاردىڭ كەسىرىنەن پويىز ءجۇرىسى توقتاتىلعان. ۇلتتىق تاسىمالداۋشى ءوز جولاۋشىلارىنا جولدا وتە مۇقيات بولىپ، تاسىمالداۋ ەرەجەلەرىن قاتاڭ ساقتاۋلارىن سۇرايدى.

 

سوڭعى جاڭالىقتار