12 قىركۇيەك, 12:04 540 0 ىشكى ساياسات "تۇركىستان" گازەتىنىڭ اۆتورلارى

ەلگە ايانباي ەڭبەك ەتەتىن ۋاقىت كەلدى

مەملەكەت باسشىسى كەلەشەككە سەنىممەن قارىشتى قادام  باستىراتىن جاڭا باستاما ۇسىندى.  ەڭبەك ونىمدىلىگىن ارتتىرا وتىرىپ، الەمدىك سۇرانىستاعى جاڭا نارىقتارعا شىعۋ، ەكسپورتتى تولىقتىرۋ، ەكونوميكالىق تۇراقتىلىق پەن جاڭا جۇمىس كوزدەرىن اشۋ، قولدا بار قاراجاتتى ۇنەمدەپ، حالىق يگىلىگىنە جۇمساۋ، قازىنانى مەيلىنشە جاۋاپكەرشىلىكپەن جۇمساۋ دا  ماڭىزدى با­عىتتار رەتىندە ايتىلدى. ەڭبەك نا­رى­عىن جاڭعىرتۋ ارقىلى مەملەكەتتىك – جەكەمەنشىك باسقارۋ قۇرىلىمىن قولداۋ جولعا قويىلسا، حالىقتىڭ ءال-اۋقاتىن ارتتىرۋ، الەۋمەتتىك سالالار­دىڭ قار­قىندى دامۋى سىندى وزەكتى ماسە­لە­لەردىڭ شەشىمىن تاباتىندىعىن تىلگە تيەك ەتتى. ناقتىلانعان باعدار­لا­مالار شەڭ­بەرىندە ءار وڭىردە كاسىبىن ناسىپكە اينالدىرار سالىقتىق جەڭىل­دىك­تەر حالىق الەۋەتىن كوتەرەرى حاق.  بار­لىق وڭىردەگى بوس جۇمىس ورىندارى كورسەتىلگەن بىرىڭعاي ونلاين پلات­فورما-جۇيەلىلىگى ايقىن­دال­عان اشىق قوعامنىڭ كورىنىسى.

وركەنيەت  كوشىندەگى ەلدەر ءۇشىن «ەڭ­­بەك» پەن «ءبىلىم» ۇعىمدارى –  ءبىر-ءبىرى­نەن اجىراعىسىز قۇندىلىقتار.  اشى­عىن ايتۋ كەرەك، جولداۋدا باسىم­دىققا يە بولعان ادامي كاپيتالدىڭ ساپالىق ءوسۋى بويىنشا مەملەكەت تاراپىنان كورسەتىلىپ جاتقان قولداۋ ۇشان-تەڭىز. وعان بارشامىز دا كۇندەلىكتى ومىردە كۋا بولىپ ءجۇرمىز.

دەسەك تە، اتقارىلار شارۋا دا كوپ.

مەملەكەت باسشىسى قاسىم-جومارت كەمەل­ۇلىنىڭ حالىققا جولداعان جول­داۋى­نىڭ ءتورتىنشى تارماعى «الەۋمەتتىك جاڭعىرۋدىڭ جاڭا كەزەڭى» باعىتى بولدى. وندا مەكتەپ قابىرعاسىنان باستاپ، مامان بولىپ ەڭبەككە ارالاسۋ ۋاقى­تىن­داعى كەزەڭدەردەگى كەمشىلىكتەر مەن ولاردىڭ شەشىلۋى تۇيىندەلدى. جىل سايىن ءبىلىم ساپاسىنىڭ سولقىلداقتىعى، مامان­دىقتى ايقىنداماۋ، كاسىبي با­عىت-باعداردىڭ تومەندىگىنەن 21 مىڭعا جۋىق مەكتەپ تۇلەگى زامانا كوشىنە ىلەسە الماي جاتادى ەكەن. ونىڭ باستى سەبەپتەرىنىڭ ءبىرى «ماماندار دايىن­داۋ­دىڭ وتاندىق جۇيەسى ناقتى ەڭبەك نا­رى­عىنان تىس قالعان»، – دەدى پرەزيدەنت. وقۋ ورنى تۇلەكتەرىنىڭ دە جۇمىسقا ورنالاسا الماۋىنىڭ ءبىر تارماعى وسىندا جاتىر. وڭىرلەردەگى مامان قاجەتتىلىگى سارالانباي، وقۋ ورىندارىنا مىڭداعان ناتيجەسىز گرانتتاردىڭ ءبولىنىسى وسى­نىڭ ايعاعى. بۇل باعىتتا دا جاۋاپتى مينيسترلىككە ناقتى مىندەت جۇك­تەل­دى. اۋىل مەن قالا اراسىندا ايىر­ما­شىلىقتى بولدىرماۋ، ءبىلىم ساپاسىن تەڭەستىرۋى دە كۇن ءتار­تىبىندەگى كەلەلى ماسەلە. سول باعىتتا ساپالى ءبىلىم، جاۋاپتى ۇستازدىڭ سانىن اۋىلدا ارتتىرۋ ماقساتىندا «ديپلوممەن اۋىلعا» باع­دارلاماسىن ىزگىلەندىرىپ، بيۋدجەتتەن 20 ميللارد تەڭگە ءبولىنۋى ءسوزدىڭ ناتيجەسى.

نارىق زامانىندا كاسىپ اشام دەگەن ءار جانعا ەل ەڭسەسىن تىكتەگەلى ءناسىبى دە بەرىلىپ كەلەدى. شاعىن نەسيەمەن ءوز ءىسىن دوڭگەلەتىپ وتىرعان تۇرعىن از ەمەس. شالعاي اۋىلدار مەن اۋداندارداعى كوپ ادام ناپاقاسىنا وسىلاي كۇندەرىن كورىپ وتىر. پرەزيدەنت كوتەرگەن باس­تا­ماداعى ءبىر ءبولىم – كاسىپ اشامىن دەگەن ءار جانعا قولداۋ بەرىپ، سالىقتان بوساتۋ.

سايىپ كەلگەندە ەلدىڭ الەۋەتى مەن الەۋمەتتىك جاعدايىنا زور باستاما بەرىلدى.

ورايى كەلگەن ورامدى ويدىڭ ءبىرى – تۇرعىن-ءۇي جايى. وتباسىنىڭ اياقتان تۇرىپ ، كوشپەن بىرگە كوسىلە ءجۇرۋىنىڭ نەگىزى تۇسى – پاتەر جاعدايى. تۇرعىن ۇيگە سۇرانىس تا، سالماق تا ازايماي تۇرعانى انىق. از تابىس، ءتۇسىم مار­دىم­سىزدىعى كوپ ەڭسەنى كوتەرتە الماي جاتىر. وسى تۇرعىدان «ءۇيىم بولسىن» دەگەن كوپ جاننىڭ ۇمىتىنە وت جاققان باستامانىڭ ءبىرى – زەينەتاقى قورىنىڭ ءبىر بولىگىن پايدالى ىسكە جۇمساۋ. ۇكىمەت جىل اياعىنا دەيىن اتالمىش ماسەلەنى جان-جاقتى زەردەلەرى حاق.

تۇمەن ويدىڭ ءتۇيىنى بار. نەگىزگى قا­عي­داسى ناپاقانى ەڭبەكتەن عانا ىزدەۋ­گە، باستى ورىنعا ادىلدىك پەن ادالدىق، ساپا ۇعىمدارىن قويۋعا شاقىراتىن بۇل جولداۋدا  قامتىلماي قالعان سالا جوق.

پرەزيدەنت قاسىم-جومارت كەمەل­ۇلى­نىڭ العا قويعان بيىك ماقساتتاردى بىرلەسە جۇزەگە اسىرۋ – ءبىزدىڭ ەنشىمىزدەگى  مەرەيلى مىندەت ءارى ازاماتتىق پارىزىمىز.

باقىتگۇل حامەنوۆا

پارلامەنت ءماجىلىسىنىڭ دەپۋتاتى،

«Nur Otan» پارتياسى فراكتسياسىنىڭ مۇشەسى.

سوڭعى جاڭالىقتار