12 قىركۇيەك, 10:44 462 0 جاھان انار لەپەسوۆا

ىنتىماقتاستىقتىڭ جاڭا كوكجيەكتەرى

كەشە مەملەكەت باسشىسى قاسىم-جومارت توقاەۆ­تىڭ قىتاي حالىق رەسپۋبليكاسىنا مەملەكەتتىك ساپارى باس­تالدى. 27 جىلدىق تاريحى بار قا­­زاق-قى­تاي ىنتى­ماق­تاس­تى­عىن ارتتىرا تۇسۋگە باعىت­تال­عان بۇل ساپاردىڭ ماڭىزى زور.  

قازاقستاننىڭ بۇل كەزدەسۋگە ەرەكشە ءمان بەرۋىنىڭ سەبەبىن قا­سىم-جو­مارت توقاەۆ قكپ وك ساياسي بيۋروسىنىڭ مۇشەسى، قكپ سىرت­­قى ىستەر جونىندەگى باسقارۋ­شى توپ كانتسەليارياسىنىڭ باس­تى­عى يان تسزەچيمەن كەزدەسۋىندە ءتۇسىن­دىردى.

– ءبىز قىتايدى كورشىلەس ءارى دوستىق قارىم-قاتىناستاعى مەملەكەت دەپ ەسەپتەيمىز.

سونداي-اق، الەمدەگى ەكونوميكاسى دامىعان ەكىنشى ەل ەكەنىن دە نەگىزگە الامىز.  قازاقستان بۇل ساپارعا ۇلكەن ءمان بەرەدى. ءبىز قازاقستاننىڭ ازياداعى ءىس-قيمىل جانە ءوزارا سەنىم شارالارى جونىندەگى كەڭەس پەن حالىق­ارا­لىق ارە­نا­داعى باسقا دا باستامالارىن قولداعانى ءۇشىن قىتاي مەملەكەتىنە ريزاشىلىق بىلدىرەمىز. ەكونو­مي­كالىق ىنتىماق­تاس­تىققا كەلەر بول­ساق، ونىڭ ستراتەگيالىق سيپاتى بار. تۇڭعىش پرەزيدەنت نۇر­سۇلتان نازارباەۆ پەن توراعا سي تسزينپين قول جەتكىزگەن ۋاعدالاستىقتار ودان ءارى دامي بەرەدى، – دەدى مەملەكەت باسشىسى.

قاسىم-جومارت توقاەۆتىڭ پىكىرىنشە، قازاقستان مەن قىتايدى ەكى ەلگە ورتاق تا­ريحي ۇقساستىقتار جاقىنداتا تۇسەدى. «وسىدان 40 جىل بۇرىن قىتاي باسشىلىعى مەن قىتاي حالقى دانا شەشىمدەر قا­بىل­داپ، اۋقىمدى جاڭ­عىر­تۋلار كەزەڭىنە قادام باستى. سول ماڭىز­دى وزگەرىستەردىڭ ارقاسىندا بۇگىندە قىتاي مەملەكەتى الەمدىك دامۋدا كوش باستاپ تۇر. 30 جىل ىشىندە قازاقستان دا كۇردەلى ءارى تابىستى دامۋ كەزەڭىنەن ءوتتى. ەلىمىز تامىرى تەرەڭ داعدارىستى ەڭسەرىپ، ورنىقتى دامۋ جولىنا ءتۇستى»، – دەدى پرەزيدەنت قى­تاي قو­عام­دىق عىلىمدار اكادەمياسىندا وقىعان دارىسىندە.

ەكى ەل اراسىنداعى جان-جاقتى سترا­­­تەگيالىق سەرىكتەستىكتىڭ نىعايا تۇسۋىنە تىڭ سەرپىن بولاتىن شارا – قا­زاقستان-قىتاي ىسكەرلىك كەڭەسىنىڭ 6-وتىرى­سىنىڭ اشىلۋىندا سويلەگەن سوزىندە پرەزيدەنت مەملەكەتتەرىمىز اراسىن­داعى ساۋدا اينالىمى بىلتىر 12 ميلليارد دوللارعا جەتكەنىن ايتتى. تاۋەل­سىزدىك جىلدارى قىتايدىڭ قازاقستانعا 20 ميلليارد دوللارعا جۋىق ينۆەستيتسيا سالۋى دا مەم­لە­كەتتەردىڭ ارىپتەستىگى ءوزارا سەنىمگە نەگىزدەلگەنىن دالەلدەسە كەرەك.  ەلىمىز­دىڭ  ينۆەستيتسيالىق احۋالىن مەيلىنشە قولايلى ەتۋگە بار كۇش-جىگەرىن جۇ­مىلدىرىپ وتىرعانىن تىلگە تيەك ەتكەن قاسىم-جومارت توقاەۆ قىتاي­لىق بيزنەسمەندەردى «استانا» حالىق­ارا­لىق قارجى ورتالىعى بير­جاسىنىڭ قارجىلىق ءىس-قيمىلدارىن بەلسەندى پاي­دا­لانۋعا شاقىردى، سونداي-اق ونىڭ وسى ايماقتاعى بىرەگەي ينستيتۋت ەكە­نىن جانە قازىردىڭ وزىندە قارجى ورتالىعىنا 250-دەن استام كومپانيا تىركەلگەنىن اتاپ ءوتتى.

قازاقستان پرەزيدەنتىنىڭ قىتاي حا­لىق رەسپۋبليكاسىنىڭ توراعاسى سي تسزي­نپينمەن كەزدەسۋى قازاق-قىتاي ىنتى­ماق­تاستىعىنىڭ جاڭا دەيگەيگە كو­تە­رى­لە­تىنىن شەگەلەپ بەرگەندەي بولدى. سي تسزينپين ارىپتەسىن حالىقتار جيىنى ۇيىندە كۇ­تىپ الدى. الىپ الاڭ­داعى العاشقى كەز­دەسۋدەن سوڭ مەملەكەت باسشىلارى جەكە كەزدەستى. كەزدەسۋ قورىتىندىسى بو­يىن­شا سي تسزينپين مەن قاسىم-جومارت توقاەۆ بىرلەسكەن مالىمدەمە جاسادى. سونداي-اق، تاراپتار 10-عا تارتا قۇجاتقا قول قويدى. ونىڭ ىشىندە، اۆيا­تسيا­لىق ىزدەۋ جانە ازاماتتىق اۋەكە­مە­لەرىن قۇت­قارۋ جونىندە ۇكىمەتارالىق كەلىسىم، «نۇر­لى جول» مەن «جىبەك جولى ەكونوميكالىق بەل­دەۋىن» بىرلەسە جۇزەگە اسىرۋ ءجونىن­دەگى مەموراندۋم، قىتايعا ەكسپورتتالاتىن قا­زاق­ستاندىق اۋىل شا­رۋا­­­شىلىعى ءونىم­دە­رى تۋرالى حاتتامالار بار. ەلدىڭ قاۋىپ­سىز­دىگى مەن ەكونوميكالىق تۇراق­تى­لىعى ءۇشىن ماڭىزى زور بۇل قۇجات­تار قولداۋ كۇتكەن بىرقاتار سالا­لار­دىڭ دامۋىنا دەم بەرەرى انىق.

مەملەكەت باسشىسىنىڭ قىتايعا ساپا­رى بۇگىن جالعاسىن تابادى. قاسىم-جو­مارت توقاەۆ حانچجوۋ قالاسىنا بارىپ، نەگىزىن دجەك ما قالاعان اتاقتى «اليبابا» كومپانياسىنىڭ جۇمىسى­مەن تانىسادى.

ايتا كەتەيىك، مەملەكەت باسشىسى قى­تاي­عا ساپارىندا بارلىق بايانداماسىن تەك قازاق تىلىندە جاسادى.

انار لەپەسوۆا

سوڭعى جاڭالىقتار