11 قىركۇيەك, 19:45 408 0 جاڭالىقتار Túrkistan Gazeti

اسقار مامين تۇركىستاندا سالىنىپ جاتقان نىسانداردى ارالادى

قر پرەمەر-ءمينيسترى اسقار مامين تۇركىستان وبلىسىنا جۇمىس ساپارى بارىسىندا قر تۇڭعىش پرەزيدەنتى – ەلباسى ن. ءا. نازارباەۆ پەن مەملەكەت باسشىسى ق. ك. توقاەۆتىڭ قىسقا ۋاقىت ىشىندە ارىس قالاسىنداعى تۇرعىن ۇيلەر مەن نىسانداردى جىلدام قالپىنا كەلتىرۋ بويىنشا تاپسىرماسىن ورىنداۋ اياسىندا قالادا جۇرگىزىلىپ جاتقان جۇمىستاردىڭ بارىسىن تەكسەردى، سونداي-اق تۇركىستان قالاسىنىڭ اكىمشىلىك، تاريحي-مادەني، الەۋمەتتىك ماڭىزداعى نىساندارىنىڭ قۇرىلىس الاڭدارىن كوردى. بۇل تۋرالى primeminister.kz حابارلادى.

قر يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتتەرى بويىنشا، ارىس قالاسىندا جوندەۋ جۇمىستارىنىڭ 99,3%-ى اياقتالدى. نىسانداردا 134 قۇرىلىس كومپانياسى، 3,8 مىڭنان استام جۇمىسشى جۇمىس ىستەۋدە جانە 211 ارنايى تەحنيكا تارتىلعان.

ارىستا 68 الەۋمەتتىك نىسان ورنالاسقان ء(بىلىم بەرۋ، دەنساۋلىق ساقتاۋ جانە سپورت مەكەمەلەرى), ولاردىڭ 64-ءى – كۇردەلى جوندەۋدى جانە 4-ەۋى – تولىقتاي قالپىنا كەلتىرۋدى تالاپ ەتتى. بۇگىندە 62 نىساندا جۇمىستار اياقتالدى.

قر ۇكىمەتىنىڭ باسشىسى «ارىس-1» تەمىر جول ۆوكزالىنىڭ جوندەۋدەن وتكەن عيماراتى مەن ونىڭ الدىنداعى سكۆەردى ارالاپ كوردى، «ارىس مينەرالدى سۋ» قالپىنا كەلتىرىلگەن كاسىپورنىنا باردى، ارىس قالاسىندا ۇيلەرى تولىعىمەن قيراتىلعان 100 وتباسىعا ارنالعان 50 ەكى پاتەرلى كوتتەدجدەن تۇراتىن جاڭا شاعىن اۋداننىڭ قۇرىلىسى بارىسىمەن تانىستى. بارلىق ۇيلەر اياقتالۋ ساتىسىندا تۇر، ىشكى ارلەۋ جۇمىستارى جانە ءۇي جابدىقتارىن ورناتۋ جۇمىستارى جۇرگىزىلىپ جاتىر. اسقار مامين ارىس قالاسىنداعى قايتا سالىنعان جەكە ۇيلەرگە كىرىپ، ولاردىڭ تۇرعىندارىمەن اڭگىمەلەستى.

تۇركىستان قالاسىندا قر پرەمەر-ءمينيسترى بولاشاق حالىقارالىق اۋەجايدىڭ قۇرىلىس الاڭىندا بولدى. جوبا تۇرىكتىڭ YDA Holding كومپانياسىمەن بىرلەسىپ جۇزەگە اسىرىلىپ جاتىر. تەرمينالدىڭ وتكىزۋ قابىلەتى جىلىنا 3 ملن جولاۋشىنى قۇرايدى. نىساندى كەلەسى جىلدىڭ سوڭىندا پايدالانۋعا بەرۋ كوزدەلگەن.

قر ۇكىمەتىنىڭ باسشىسىنا اكىمشىلىك، الەۋمەتتىك، تاريحي جانە مادەني ماڭىزداعى نىساندار قۇرىلىسىنىڭ بارىسى تۋرالى باياندالدى. اسقار مامين اكىمدىك، مەديا ورتالىق، كونگرەسس-حولل عيماراتتارىن، «نۇر-سۇلتان» الاڭىن، تۇڭعىش پرەزيدەنت ساياباعى، وليمپيادالىق رەزەرۆتىڭ سپورت مەكتەبىن، مۋزىكا مەكتەبىن، باسسەينى بار مەكتەپ سارايىن، نەكە سارايىن، حالىققا قىزمەت كورسەتۋ ورتالىعىنىڭ عيماراتىن، سونىمەن قاتار اتتراكتسيوندارى بار قالالىق ساياباقتى، مۋزىكالىق فونتاندى، امفيتەاتر، سالىنىپ جاتقان تاريحي-مادەني ورتالىقتىڭ، كەلۋ ورتالىعىنىڭ، شىعىس مونشاسىنىڭ، قالالىق ارباتتىڭ قۇرىلىس الاڭدارىن ارالادى.

جۇمىس ساپارى بارىسىندا قر ۇكىمەتىنىڭ باسشىسىنا تۇركىستان قالاسىن سالۋدىڭ باس جوسپارى كورسەتىلىپ، تۇركىستان وبلىسىندا جۇزەگە اسىرىلىپ جاتقان ينۆەستيتسيالىق جوبالار تانىستىرىلدى.

 

سوڭعى جاڭالىقتار