11 قىركۇيەك, 16:29 497 0 جاڭالىقتار Túrkistan Gazeti

الماتىدا قالا كۇنى قارساڭىندا ALMAQUEST وتەدى

15 قىركۇيەك قالا كۇنىن مەرەكەلەۋ اياسىندا ءتۇرلى تىلسىم جۇمباقتار مەن قۇپيالارعا تولى اۋداندار مەن كوشەلەردە كەڭ كولەمدە قالالىق ALMAQUEST كۆەست وتەدى. بۇل تۋرالى قالا اكىمدىگى حابارلادى.

ALMAQUEST - ەكى كەزەڭنەن تۇراتىن مادەني شاراعا نيەت بىلدىرگەندەردىڭ بارلىعىنىڭ قاتىسۋعا مۇمكىندىگى بار.

AlmaQuest - بۇل ءبىر ستسەناري بويىنشا بىرىكتىرىلگەن تاپسىرمالار تىزبەگى بار تاڭعاجايىپ جانە كوڭىلدى كوماندالىق سپورت ويىنى. ويىننىڭ ءمانى - قالاداعى وبەكتىلەردىڭ شيفرلانعان ورنىن مۇمكىندىگىنشە جىلدام تابۋ، بارلىق تاپسىرمالاردى دۇرىس ورىنداۋ، وي جۇيرىكتىگى مەن ءبىلىمنىڭ ارقاسىندا مارەگە جەتۋ.

تاپسىرمالاردى ورىنداۋ ءۇشىن قالانىڭ نەگىزگى نىساندارى، تاريحي فاكتىلەر، مۇنداعى ادامدار تۋرالى قىزىقتى مالىمەتتەردى پايدالانۋعا بولادى. ويىن ونلاين رەجيمىندە وتەدى. بارلىق تاپسىرمالار ۇيالى تەلەفونعا تۇسەدى.

قاتىسۋ ەرەجەلەرى، شارانىڭ باستالۋى، اياقتالۋى جانە سىيلىق قورى مەن سىيلىقتار تۋرالى almaquest.kz سايتىنان تولىق اقپارات الۋعا بولادى.

تەگتەر AlmaQuest

سوڭعى جاڭالىقتار