11 قىركۇيەك, 12:30 232 0 جاڭالىقتار Túrkistan Gazeti

شورت-ترەكتەن قازاقستان كومانداسى رەسەي كۋبوگىنىڭ ءبىرىنشى كەزەڭىنە قاتىسادى

12-15 قىركۇيەك كۇندەرى رەسەيدىڭ كولومنا قالاسىندا شورت-ترەكتەن رەسەي فەدەراتسياسى كۋبوگىنىڭ ءبىرىنشى كەزەڭى وتەدى دەپ حابارلايدى Olympic.kz.

اتالعان تۋرنيرگە قازاقستان كومانداسى دا قاتىسادى. الەم ۇزدىكتەرى باق سىنايتىن دوداعا قازاقستاندىقتار تولىق قۇراممەن بارادى.

اتاپ ايتار بولساق، ەرلەر قۇراماسىنىڭ ۇزدىگى ابزال اجىعاليەۆ، نۇربەرگەن جۇماعازيەۆ، دەنيس نيكيشا، ەركەبۇلان شامۇحاەۆ، ءادىل عالياحمەتوۆتار ايدىنعا شىعادى.

ال قىزدار كومانداسىنان ەكى سپورتشى قاتىسپايدى. ولار - ءاليا كيم مەن اناستاسيا كرەستوۆا.

رەسەي كۋبوگىنىڭ ءبىرىنشى كەزەڭى شورت-ترەكشىلەر قاتىساتىن ماۋسىمداعى العاشقى باسەكە. كەيىن قازاقستان ەرلەر كومانداسى قىتايداعى تۋرنيرگە اتتانادى. شانحايدا وتەتىن باسەكەدە ءبىزدىڭ كوماندا ەستافەتادان جانە 1000 مەترگە جۇگىرۋدەن باق سىنايدى.

سوڭعى جاڭالىقتار