9 قىركۇيەك, 16:00 114 0 جاڭالىقتار Túrkistan Gazeti

باقىت سۇلتانوۆ الەۋمەتتىك جەلىلەردە بەلسەندى بولماق

قر ساۋدا جانە ينتەگراتسيا ءمينيسترى باقىت سۇلتانوۆ جاز ايلارىندا قانداي جۇمىستارمەن اينالىسقانى تۋرالى ايتتى.

«كەيىنگى كەزدە جاڭا قىزمەتىمە بايلانىستى كوپ ىسساپارلارعا باردىم. جاڭادان قۇرىلعان ساۋدا جانە ينتەگراتسيا مينيسترلىگىنە قويىلعان نەگىزگى مىندەتتەمەلەردىڭ ءبىرى – ول قازاقستاننىڭ تاۋارلارىن سىرتقا ەكسپورتتالۋىن ىلگەرىلەتۋ، سونداي-اق ىشكى نارىقتاعى ساۋدا-ساتتىقتىڭ ساپاسىن ارتتىرۋ. وسى ورايدا، قازاقستاندىق وندىرۋشىلەر ءۇشىن كوپ ءجۇرىپ، ماڭىزدى جۇمىستار جاسايتىن بولامىز»، - دەدى مينيستر.

بۇدان بولەك ب. سۇلتانوۆ ۆەدومستۆونىڭ جۇمىس بارىسىن بايانداۋ بويىنشا تىلشىلەر قاۋىمىمەن ءجيى كەزدەسۋگە ۋادە ەتتى.

«مۇنىمەن قوسا، الەۋمەتتىك جەلىلەردەگى اككاۋنتتاردىڭ جۇمىسىن قايتادان جانداندىرامىن دەپ ۋادە بەرگىم كەلەدى. جالپى، مەملەكەت باسشىسىنىڭ شەشىمىمەن مينيسترلىك ۋاقتىلى قۇرىلىپ وتىر. ويتكەنى بۇگىندە سىرتقى ەكونوميكالاردا بولىپ جاتقان وقيعالارعا بايلانىستى، سونىڭ ىشىندە «ساۋدا سوعىستارى»، ينتەگراتسيالارداعى وزگەرىستەرگە وراي قازاقستاندىق تاۋارلاردىڭ باسەكەگە قابىلەتتىلىگىن ارتتىرۋ مەن ەكسپورتتى ۇلعايتۋ وتە وزەكتى. سوندىقتان مينيسترلىكتىڭ جۇمىسىندا، ءوزىمىزدىڭ ستراتەگيامىزدا اتالعان مىندەتتەمەلەرگە ايرىقشا ءمان بەرۋدەمىز»، - دەدى باقىت سۇلتانوۆ.

سوڭعى جاڭالىقتار