11 قىركۇيەك, 12:59 194 0 ايماق ءTúrkىstan International Political Weekly

تۇركىستانداعى الاپات جارىلىس نەدەن بولدى؟

"تۇركىستاندا الاپات جارىلىس بولدى" دەگەن ۆيدەو مەن سۋرەتتەر جەلىدە تاراپ كەتتى. وقيعا ورنىنان 10 قىركۇيەك كۇنى كەشكى ۋاقىتتا كۋاگەرلەر جارىلىس بولىپ، ارتىنشا ءورت شىققانىن حابارلاپ، ۆيدەو مەن سۋرەتتەر جولداعان.

كەيىنىرەك توتەنشە جاعدايلار جونىندەگى كوميتەتتىڭ ءباسپاسوز قىزمەتى اتالعان وقيعا جايلى حابار تاراتتى. ولاردىڭ مالىمەتىنشە، 19.00 شاماسىندا بەكزات ساتتارحانوۆ كوشەسىندە ورنالاسقان Royal Grand Hotel قوناقۇيىنىڭ تەرريتورياسىندا گاز باللوندارى تيەلگەن زيل كولىگى ورتەنگەن.

دارىگەرلەر تۇركىستاندا جارىلىستان زارداپ شەككەندەردىڭ جاعدايىن ايتتى.

تۇركىستان وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە، وقيعا سالدارىنان 11 ادام زارداپ شەككەن. 6 ناۋقاسقا العاشقى كومەك كورسەتىلدى جانە ولار امبۋلاتورلىق ەمدەۋگە جىبەرىلگەن.

2019 جىلى 10 قىركۇيەكتە تۇركىستان قالالىق ورتالىق اۋرۋحاناسىنىڭ تراۆماتولوگيا بولىمىنە 4 ناۋقاس تۇسكەن، الايدا 11 قىركۇيەكتە تاعى ءبىر ادام ءتۇستى. قازىرگى ۋاقىتتا اۋرۋحاناعا جاتقىزىلعاندار سانى - 5 ادام. ولاردىڭ جاعدايى ورتا دەڭگەيدە.

 

سوڭعى جاڭالىقتار