11 قىركۇيەك, 10:18 236 0 جاڭالىقتار ءTúrkىstan International Political Weekly

تۇركىستاندا جاڭا اربات

تۇركىستاندا جاڭا اربات اشىلدى. قالا تۇرعىندارى ءۇشىن سالىنعان دەمالىس ورنىنىڭ اشىلۋ راسىمىنە وبلىس اكىمى ومىرزاق شوكەەۆ پەن قالا اكىمى راشيد ايۋپوۆ، وبلىستىق اقساقالدار القاسى مەن ەڭبەك جانە سوعىس ارداگەرلەرى،  قالالىق قوعامدىق كەلىسىم كەڭەسىنىڭ مۇشەلەرى  قاتىستى. 

حالىق سايالايتىن، تازا اۋامەن تىنىستايتىن دەمالىس ورنىنىڭ اشىلۋىنا قالا تۇرعىندارى مەن قوناقتارى دا كۋا بولدى. وبلىس  ورتالىعىنا اينالعانىنا ءبىر جىلدان اسا ۋاقىت وتكەن قالادا بۇگىندە قانشاما قۇرىلىس نىساندارى بوي كوتەرىپ، جۇمىس قارقىندى تۇردە ءجۇرىپ جاتىر.

ال، اربات دەمالىس ورنى حالىققا جايلى ءارى كورىكتى جەرلەردىڭ ءبىرى بولماق. نىساننىڭ اشىلۋ سالتاناتىندا وبلىس باسشىسى ومىرزاق ەستايۇلى قۇتتىقتاۋ تىلەگىن ءبىلدىرىپ، قالانىڭ ءالى دە قارقىندى دامي تۇسەتىندىگىن اتاپ ءوتتى.

«كۇنى بۇگىنگە دەيىن، شاھارعا بايلانىستى قانشاما مەملەكەتتىك دەڭگەيدەگى ماڭىزدى شارالار قارالىپ، پرەزيدەنتىمىزدىڭ تىكەلەي قامقورلىعىمەن كوز تويارلىق يگى ىستەر اتقارىلىپ كەلەدى. قانشاما تۇركى تىلدەس ۇلت وكىلدەرىنىڭ دە ءبىر ءۇيدىڭ ادامدارىنداي تاتۋ-ءتاتتى عۇمىر كەشىپ جاتقاندىعى بارشامىزدى قۋانتادى»، - دەدى ومىرزاق شوكەەۆ.

سالتاناتتى كەشكە كەلگەن حالىق ءارتۇرلى  مۋزىكالىق اساپتاردا ويناعان مۋزىكانتتار مەن اكتەرلەردىڭ ونەرلەرىنە ءتانتى بولدى. ارباتتىڭ اتموسفەراسىن كورسەتەتىن الەمدىك، قازاقستاندىق اۆتورلاردىڭ مۋزىكالىق شىعارمالارى قويىلىپ، ىشەكتى اسپاپتار كۆارتەتى جانە ساكسوفونشىلار ونەرلەرىن كورسەتتى. جۇرت جەرگىلىكتى كۇيشى دومبىراشىلاردىڭ ورىنداۋىندا شىعارمالاردى تىڭدادى. ابايدىڭ ولەڭدەرى مەن قوجا احمەت ياساۋيدىڭ حيكمەتتەرىن وقىپ وتىرعان اكتەرلەرگە ءتانتى بولدى.

ايتا كەتەيىك، جاڭا ارباتتىڭ اۋماعى – 0,15 گەكتاردى قۇرايدى. اباتتاندىرۋ جۇمىستارىن جۇرگىزۋ ءۇشىن جەرى تەگىستەلىپ، بەتون قاباتى قۇيىلعان. گرانيت تاستار توسەلىپ،  اسپالى مەتال قۇراستىرىلىم قويىلعان. كورىك بەرىپ تۇرۋ ءۇشىن ءتۇرلى - ءتۇستى شامدارمەن جاراقتاندىرىلعان.

 

سوڭعى جاڭالىقتار