10 قىركۇيەك, 17:48 237 0 جاڭالىقتار Túrkistan Gazeti

ەلباسى پارلامەنت ءماجىلىسىنىڭ توراعاسى نۇرلان نىعماتۋلينمەن كەزدەستى

كەزدەسۋ بارىسىندا ءماجىلىس توراعاسى نۇرسۇلتان نازارباەۆقا پارلامەنت ماجىلىسىندەگى Nur Otan پارتياسى فراكتسياسىنىڭ اعىمداعى قىزمەتى مەن جۇمىس جوسپارلارى تۋرالى باياندادى. بۇل تۋرالى Elbasy.kz حابارلادى.

- قازىرگى ۋاقىتتا ءماجىلىستىڭ قاراۋىندا 45 زاڭ جوباسى بار. بارلىق 3 فراكتسيا جۇمىسقا كىرىستى. ءبىزدىڭ فراكتسيانىڭ الدىنا بەرىلگەن تاپسىرمالاردىڭ، سايلاۋالدى باعدارلامانىڭ جانە «100 ناقتى قادام» ۇلت جوسپارىنىڭ جۇزەگە اسىرىلۋىنا ساپالى باقىلاۋ جۇرگىزۋ بويىنشا مىندەتتەر قويىلدى، - دەدى نۇرلان نىعماتۋلين.

سونىمەن قاتار، ەلباسىعا ەۋروپا جانە ازيا ەلدەرى پارلامەنتتەرى سپيكەرلەرىنىڭ كەڭەسىنە دايىندىق تۋرالى ايتتى.

- 23-24 قىركۇيەكتە سپيكەرلەر كەڭەسىنە الەمنىڭ 65 ەلىنەن كەلگەن دەلەگاتتار قاتىسادى. ەلىمىزدە وسىنداي جوعارى دەڭگەيدەگى پارلامەنتتىك ءىس-شارا سوڭعى 20 جىلدا العاش رەت وتكىزىلىپ وتىر. بيىلعى جىلى ەۋروپا مەن ازيا ەلدەرى پارلامەنتتەرى سپيكەرلەرىنىڭ كەڭەسى ەۋرازيالىق يدەيانىڭ 25 جىلدىعىنا ارنالعان، - دەدى پارلامەنت ءماجىلىسىنىڭ توراعاسى.

سوڭعى جاڭالىقتار