10 قىركۇيەك, 11:18 188 0 جاڭالىقتار Túrkistan Gazeti

ۇكىمەت باسشىسى ەققدب ديرەكتورلار كەڭەسىنىڭ مۇشەلەرىمەن كەزدەستى

پرەمەر-مينيستر اسقار مامين ەۋروپا قايتا قۇرۋ جانە دامۋ بانكىنىڭ (ەققدب) ديرەكتورلار كەڭەسىنىڭ مۇشەلەرىمەن قازاقستان اۋماعىندا بىرلەسكەن ينۆەستيتسيالىق جوبالاردى ىسكە اسىرۋدىڭ كەلەشەگى مەن قازىرگى جاعدايىن تالقىلادى. بۇل تۋرالى primeminister.kz حابارلادى.

ۇكىمەت باسشىسى قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆ ەققدب قوسا العاندا، جەتەكشى حالىقارالىق قارجى ينستيتۋتتارىمەن ورناتىلعان ىنتىماقتاستىققا ۇلكەن كوڭىل بولەتىندەرىن اتاپ ءوتتى.

سوڭعى 27 جىلدا ەققدب-نىڭ قازاقستانعا سالعان ينۆەستيتسيالارىنىڭ كولەمى 260 جوبادان استام – $9 ملرد-تان استامدى قۇراعان، ولاردىڭ ىشىندە 2018 جانە 2019 جىلدارى 43-ءى بويىنشا ۋاعدالاستىقتارعا قول جەتكىزىلدى.

«ءبىز تۇراقتى جەكە سەكتور نەگىزىندە ەكونوميكالىق ءوسىم مودەلىن قۇرۋعا ۇمتىلامىز. 2019 جىلدىڭ 8 ايىندا قازاقستان ەكونوميكاسىنىڭ ءوسىمى 4,3% قۇرادى. ءبىزدىڭ ستراتەگيالىق ماقساتىمىز – ءجىو 5% جىل سايىنعى وسىمىنە قول جەتكىزۋ. ول ءۇشىن بىزگە جىل سايىن تارتىلاتىن ينۆەستيتسيالار كولەمىن 2018 جىلعى $24 ملرد-تان 2025 جىلعا قاراي $34 ملرد-تان استامعا ارتتىرۋ ماڭىزدى»، — دەدى ا. مامين.

قر پرەمەر-ءمينيسترى ەققدب ديرەكتورلار كەڭەسىنىڭ مۇشەلەرىن ەنەرگەتيكا، «جاسىل ەكونوميكا»، تۇرعىن-ءۇي كوممۋنالدىق شارۋاشىلىعى، شاعىن جانە ورتا بيزنەستى دامىتۋ، كولىك جانە قارجى سەكتورلارى، ينفراقۇرىلىم قۇرىلىسى سالالارىنداعى جوبالاردى ىسكە اسىرۋعا بەلسەندى قاتىسۋدى جالعاستىرۋعا شاقىردى.

اسقار مامين ەققدب وكىلدەرىنىڭ نازارىن قازاقستاندا مەملەكەتتىك-جەكەشەلىك ارىپتەستىك سالاسىندا اسا ءىرى جوبانى — ۇلكەن الماتى اينالما اۆتوكولىك جولىنىڭ قۇرىلىسىن ىسكە اسىرۋدا ىنتىماقتاستىقتى ودان ءارى تەرەڭدەتۋدىڭ ماڭىزدىلىعىنا اۋدارتتى، بۇل قازاقستاننىڭ ترانزيتتىك الەۋەتىن ارتتىرىپ قانا قويماي، الماتى قالاسى مەن الماتى وبلىسىندا ەكولوگيالىق احۋالدىڭ جاقسارۋىنا ىقپالىن تيگىزەتىن بولادى.

ۇكىمەت باسشىسى مەن مينيسترلەر ينۆەستيتسيالىق احۋالدى جەتىلدىرۋ شارالارى، ەكونوميكا جانە ادامداردىڭ ءال-اۋقاتى تۇرعىسىنان ەلدىڭ نەگىزگى ستراتەگيالىق باسىمدىقتارى تۋرالى ايتىپ بەردى جانە ەققدب ديرەكتورلار كەڭەسىنىڭ مۇشەلەرىنىڭ قىزىعۋشىلىق تانىتقان سۇراقتارىنا جاۋاپ بەردى.

سوڭعى جاڭالىقتار