10 قىركۇيەك, 11:06 271 0 ەكونوميكا انار لەپەسوۆا

مەمقىزمەت: قانداي مامانداردى قىسقارتۋ كۇتىپ تۇر؟

ەلىمىزدە مەملەكەتتىك قىزمەتكەرلەر مەن ۇلتتىق كومپانيالار قىزمەتكەرلەرىن قىسقارتۋ جۇمىستارى 2020 جىلدان باستالىپ، 2024 جىلعا دەيىن جالعاسادى. ەكونوميكا عىلىمدارىنىڭ دوكتورى، پروفەسسور بوراش مىرزاليەۆ مەمقىزمەتتە قالۋ ءۇشىن ماماندار قانداي قاسيەتكە يە بولۋ كەرەگىن ايتتى.

عالىمنىڭ ايتۋىنشا، قىسقارتۋدىڭ نەگىزگى ماقساتى – مەملەكەتتىك قىزمەتكەرلەردىڭ جۇمىسىن ءتيىمدى ەتۋ. سول ارقىلى بيۋدجەتتى ۇنەمدەپ، قىزمەتكەرلەردىڭ ەڭبەكاقىسىن كوتەرۋ. مەملەكەت باسشىسى قاسىم-جومارت توقاەۆ ءوز جولداۋىندا ءتيىمسىز كادرلاردى قىسقارتىپ، ودان ۇنەمدەلگەن قارجىنى پايدالى قىزمەتكەرلەردى ماتەريالدىق تۇرعىدان ىنتالاندىرۋعا باعىتتاۋ كەرەك دەگەن بولاتىن. قىسقارتۋ 2020 جىلدان باستالادى. 2024 جىلعا دەيىن مەملەكەتتىك قىزمەتكەرلەر مەن ۇلتتىق كومپانيالارداعى جۇمىسشىلار سانى 25 پايىزعا قىسقارادى.

«مەملەكەتتىك قىزمەتشىلەردىڭ تيىمدىلىگىن كوتەرۋدە، ەڭ ءبىرىنشى ماسەلە – حالىقپەن جۇمىس ىستەسە ءبىلۋ. حالىقتىڭ ءبىر بولىگى مەملەكەتتىك قىزمەتشىلەردىڭ قىزمەتىنە كوڭىلى تولمايدى. مەملەكەتتىك قىزمەتشىلەردىڭ حالىقتىڭ الەۋمەتتىك جاعدايىن كوتەرۋدەگى قارىم-قاتىناسىن ايتا بەرۋ كەرەك. ويتكەنى كەز كەلگەن مەمقىزمەتشى حالىقتىڭ وكىلىمەن سويلەسە الماسا، كوڭىلىنەن شىقپايتىن بولسا، ونداي مەمقىزمەتشىدەن كەلەشەكتە باسشى شىعۋى مۇمكىن ەمەس»، – دەيدى بوراش مىرزاليەۆ.

 

سوڭعى جاڭالىقتار