9 قىركۇيەك, 18:23 239 0 جاڭالىقتار Túrkistan Gazeti

ەلوردادا «دەنساۋلىق فەستيۆالى-2019» اكتسياسى ءوتتى

سالاۋاتتى ءومىر سالتىن ۇستاناتىن ەلوردالىقتار «دەنساۋلىق فەستيۆالى - 2019» شاراسىنا جينالدى. بۇل تۋرالى ەلوردا اكىمدىگىنىڭ رەسمي سايتى حابارلادى.

دەنساۋلىق مارافونىنا شامامەن 2000 ادام قاتىستى. قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆانىڭ ايتۋىنشا، شارا حالىق اراسىندا دۇرىس تاماقتانۋ، دەنساۋلىققا زياندى ادەتتەردەن باس تارتۋ، سالاۋاتتى ءومىر سالتىن ۇستانۋدى كەڭىنەن ناسيحاتتاۋ ءۇشىن ۇيىمداستىرىلىپ وتىر.

فەستيۆال فيتنەس جاتتىعۋلارى مەن بيمەن باستالدى. ەسترادا جۇلدىزدارى ەلوردا تۇرعىندارىنا ونەر كورسەتسە، ال جاتتىقتىرۋشىلار سكانديناۆيالىق سەرۋەندەۋ جانە يوگادان شەبەرلىك ساباقتارىن وتكىزدى. بەلسەندى قالا تۇرعىندارى توپ-توپقا ءبولىنىپ، 1500 مەتر قاشىقتىققا جۇگىرۋ، قول كۇرەسىنەن جارىسقا ءتۇسىپ، ەلوردانىڭ «ەسىل»، «بايقوڭىر»، «الماتى» اۋداندارى تيمبيلدينگتەن ەڭ مىقتىنى انىقتادى. ناتيجەسىندە «ەسىل» اۋدانىنىڭ كومانداسى جەڭىسكە جەتتى.

سونداي-اق اكتسيا اياسىندا «مەديتسينا اۋماعى» دا حالىققا قىزمەت كورسەتتى. قالاعان ادام ءتۇرلى مەديتسينالىق تەكسەرۋلەردەن ءوتىپ، دارىگەرلەردىڭ كەڭەسىن تەگىن الدى. جارىس سوڭىندا فەستيۆالدىڭ ەڭ بەلسەندى قاتىسۋشىلارى مەن جەڭىمپازدارى ديپلوم جانە سىيلىقتارمەن ماراپاتتالدى. جاڭبىر مەن كۇننىڭ سالقىندىعىنا قاراماستان، ەلوردا تۇرعىندارى فەستيۆالدىڭ سوڭىنا دەيىن قالىپ، مۇنداي شارالاردىڭ حالىق ءۇشىن قىزىقتى ءارى پايدالى ەكەنىن اتاپ ءوتتى.

سوڭعى جاڭالىقتار