9 قىركۇيەك, 18:15 186 0 جاڭالىقتار Túrkistan Gazeti

باقىت سۇلتانوۆ جوسىقسىز يمپورتپەن كۇرەس شارالارى تۋرالى ايتىپ بەردى

بۇگىن قر ۇكىمەتىندە وتكەن ءباسپاسوز كونفەرەنتسياسىندا قر ساۋدا جانە ينتەگراتسيا ءمينيسترى باقىت سۇلتانوۆ ەكسپورتتى دامىتۋ جانە قازاقستاندىق ءونىم ساپاسىن ارتتىرۋ تۇرعىسىنان قر پرەزيدەنتىنىڭ جولداۋىن ىسكە اسىرۋ تۋرالى ايتىپ بەردى.  

مينيستر مەملەكەت باسشىسى ق. توقاەۆ قازاقستاندىق ءونىم ساپاسىن ارتتىرۋدىڭ ماڭىزدىلىعىنا بىرنەشە مارتە توقتالىپ وتكەنىن ايتتى. وتاندىق وندىرۋشىلەرگە ءوز ونىمدەرىنىڭ ساپاسىن جاقسارتۋعا ۇمتىلۋى ءۇشىن بارلىق جاعداي جاسالۋى ءتيىس.

«شەتەلدىك بالاماسىنا قاراعاندا ساپاسى ناشار جانە قىمبات ءونىمدى ساتىپ الا المايمىز. بۇل ماقسات قازاقستاندىق ەكونوميكانى دامىتۋ جونىندەگى جوسپارلاردا ءتۇيىندى بولۋدا، ولار پرەزيدەنتتىڭ سايلاۋالدى باعدارلاماسىندا جانە جۋىردا قازاقستان حالقىنا ارناعان جولداۋىندا دا اتالىپ ءوتتى. سوندىقتان ءبىز تەحنيكالىق رەتتەۋ سالاسىنا ەكپىن جاساپ وتىرمىز»، — دەدى ساۋدا جانە ينتەگراتسيا ءمينيسترى ب. سۇلتانوۆ.

ساۋدا جانە ينتەگراتسيا ءمينيسترى قر تەحنيكالىق تالاپتارى بويىنشا ساپاسىن دالەلدەمەگەن تاۋارلاردى ەلىمىزگە اكەلۋگە تىيىم سالۋدى ۇسىندى. ماسەلەن، شارتتى شىعارۋ ءراسىمى ەنگىزىلدى — تاۋار 2 اي ىشىندە كەدەندىك رەسىمدەۋگە، سىناقتان وتۋگە جانە سايكەستىك سەرتيفيكاتىن الۋعا مىندەتتى. سونىڭ ناتيجەسىندە يمپورتتىق ءونىمنىڭ ءجيى سەرتيفيكاتتاۋ راسىمىنەن قاشقاقتاپ، قازاقستاندىق نارىقتا «جايىلىپ كەتەتىنى» بايقالدى.

«سوندىقتان ساۋدا جانە ينتەگراتسيا مينيسترلىگى شارتتى شىعارۋ ءراسىمىن جويۋدى ۇسىنادى. تەحنيكالىق رەتتەۋ جۇيەسى ديستريبيۋتورلارعا، الىپ ساتارلارعا ساپاسىز تاۋارلاردى اكەلىپ، نارىقتا “سۇر” سەرتيفيكاتتاردى ساتىپ الۋعا كەدەرگى كەلتىرەتىن بولادى دەپ بولجانۋدا»، — دەدى مينيستر.

ب. سۇلتانوۆ مينيسترلىك وسى نارىقتى جويۋ جۇمىستارىن جۇرگىزىپ جاتقانىن ايتتى. سونىمەن قاتار، ءتۇرلى قۇرالدار قولدانىلاتىن بولادى: زاماناۋي جانە زاڭنامالىق دەڭگەيدە.

بۇعان قوسا، ب. سۇلتانوۆ «سۇر» سەرتيفيكاتتاردى جانە بۇرمالانعان قۇجاتتاردى بەرۋدى انىقتاۋ بويىنشا ۇلتتىق اككرەديتاتسيا ورتالىعى جۇمىسىن باستاعانىن ايتتى.

«ءبىز ادال كاسىپكەرلەردى بىرىگىپ، بىزبەن بىرلەسىپ، وسىنداي الاياقتىق سحەمالاردان ىشكى نارىقتى قورعاۋعا شاقىرامىز»، — دەدى مينيستر.

سونىمەن قاتار، مينيستر مۇنداي «يمپورتتىق قوقىسقا» توسقاۋىل قويۋدى جانە الدىن الا سىناقتارسىز ءونىمدى قازاقستان اۋماعىنا كىرگىزۋگە تىيىم سالۋدى ۇسىناتىنىن جەتكىزدى. ياعني يمپورتتاۋشى قازاقستان نارىعىنا قويعىسى كەلەتىن تاۋاردىڭ ساپاسىن، ونىڭ قر تەحنيكالق تالاپتارىنا سايكەستىگىن الدىن الا راستاپ، كەيىن ونىڭ شەكارادان وتۋىنە قۇقىق العانى دۇرىس بولادى.

ب. سۇلتانوۆ ءتيىستى ينفراقۇرىلىم قۇرىلاتىنىن ايتتى: قازاقستاندا دا، شەتەلدە دە زەرتحانالار، اككرەديتاتسيا ورتالىقتارى قۇرىلادى، ول ارقىلى ادال جەتكىزۋشىلەردىڭ تاۋارلارى ەش كەدەرگىسىز بارلىق باقىلاۋ-قاداعالاۋ ورگاندارىنان ءوتىپ، تۇپكىلىكتى ساتىپ الۋشىلارعا قولجەتىمدى بولارلىقتاي سورەلەرگە قويىلادى. زەرتحانالىق بازانى دامىتۋ جۇمىستارى جۇرگىزىلىپ جاتىر.

كولەڭكەلى اينالىمعا جانە كونترافاكتىگە قارسى ءىس-قيمىلدىڭ پارمەندى قۇرالدارىنىڭ ءبىرى — تاۋارلاردى تاڭبالاۋ جانە قاداعالاۋ جۇيەسىن ەنگىزۋ.

«كەيبىر كاسىپكەرلەر وزدەرىنە قوسىمشا جۇكتەمە جۇكتەلەدى دەپ ويلايدى. جوق، ولاي ەمەس. ءبىز جۇكتەمەسى بارىنشا از جۇيە قۇرعىمىز كەلەدى، دەگەنمەن جۇيە بيزنەسكە كونترافاكتىلىك ونىمنەن قوسىمشا قورعايتىن جانە نارىقتا باسەكەنى قورعاۋ جۇيەسىن قۇرۋعا مۇمكىندىك بەرەدى»، — دەدى مينيستر.

قازىر تاڭبالاۋ بويىنشا پيلوتتىق جوبالار تەمەكى مەن الكوگول ونىمدەرىندە، اياق قيىمدە، ءدارى-دارمەك زاتتارىندا قولدانىلادى. وتكەن جىلى تونداردى تاڭبالاۋ بويىنشا پيلوتتىق جوبا ىسكە اسىرىلدى. قر ساۋدا جانە ينتەگراتسيا مينيسترلىگىنىڭ مالىمەتتەرى بويىنشا، پيلوتتىق جوبالار نارىقتاعى ءونىم ساپاسى مەن باسەكەلەستىگىنە وسى تەتىكتىڭ وڭ ىقپالىن كورسەتتى. ب. سۇلتانوۆ تاڭبالاۋ تەتىگىن ەنگىزۋدەن قازاقستاننىڭ ەكونميكاسىنا وڭ مۋلتيپليكاتيۆتى تيىمدىلىك كۇتىلىپ وتىرعانىن ايتتى.

سونىمەن قاتار، ساپا ستاندارتتارى حالىقارالىق تالاپتارعا سايكەس قايتا قارالۋدا.

«بۇگىنگى كۇنى تەحنيكالىق رەتتەۋ – بۇل قازاقستاندا قاراپايىم زاتتار ەكونوميكاسىن قولداۋدىڭ تەكسەرىستەن وتكەن پارمەندى قۇرالدارىنىڭ ءبىرى. ءىس جۇزىندە جوسىقسىز يمپورتتان بوگەيتىن، پروتەكتسيونيستىك شارا»، — دەپ ناقتىلادى ب. سۇلتانوۆ.

ستاندارتتاردى قايتا قاراۋ ءبىزدىڭ ءونىمىمىزدىڭ باسەكەگە قابىلەتتىلىگىن جاقسارتۋعا جانە قازاقستاندىق تاۋرلاردى سىرتقى نارىقتارعا ەركىن شىعارۋدى قامتاماسىز ەتۋگە مۇمكىندىك بەرەدى.

مىسالى، ەگەر وتاندىق جيھازدىڭ ستاندارتى ەۋروپالىق ستاندارتقا سايكەس كەلەتىن بولسا، وندا وسى قازاقستاندىق ورىندىق، ۇستەل نەمەسە كرەسلو ەۋروپا ەلدەرىنىڭ نارىعىنا قول جەتكىزەتىن بولادى. ياعني ساپاسى بويىنشا ولار بىردەي بولادى، تەك باعاسى بويىنشا عانا باسەكەلەس بولادى.

سونىمەن قاتار، جوعارى ستاندارت بويىنشا جاسالعان ساپالى ءونىم ترانسۇلتتىق ساۋدا جەلىلەرى ارقىلى ساتىلا الادى.

سوڭعى جاڭالىقتار