9 قىركۇيەك 2019, 17:34 442 0 تەحنولوگيالار ءTúrkىstan International Political Weekly

بريتاندىق كومپانيا قازاقستان نارىعىنداعى جۇمىسىن جانداندىرا باستادى

الەمدەگى ەڭ ءىرى JCB قۇرىلىس تەحنيكاسىن وندىرۋشىلەردىڭەكسكليۋزيۆتى ديلەرى - Orbis Auto اۆتوموبيل توبىنىڭ بولىگى بولىپ تابىلاتىن Autodom Machinery كومپانياسى قازاقستاندا ءوز ينۆەستيتسيالارى ەسەبىنەن سالىنعان العاشقى  JCB ورتالىعىن اشتى.
Autodom Machinery كومپانياسى قازاقستان بويىنشا التى سەرۆيستىك ورتالىققا يە، ال سانى بويىنشا جەتىنشى بولعان جاڭا ورتالىق ەڭ اۋقىمدى ءارى تەحنولوگيالىق ورتالىق بولىپ تابىلادى. ديلەرلىك ورتالىق 3S ساناتىنا يە بولدى – وعان تەحنيكا ساتۋ (sale), سەرۆيس (service), قوسالقى بولشەكتەر (spare parts) كىرەدى، ونىڭ اۋدانى 1000 شارشى مەتر، ءۇش سەرۆيستىك پوستپەن جابدىقتالعان، كەڭ شوۋ-رۋمى جانە JCB ءونىمىنىڭ بارلىق جەلىسىنە تولىق دياگنوستيكا جانە جوندەۋ جۇرگىزۋگە ارنالعان زاماناۋي جابدىقتارى بار.
تاريحى 1945 جىلدان باستاۋ العان بريتاندىق JCB برەندى بۇگىنگى تاڭدا ءوز سالاسىنىڭ حالىقارالىق كوشباسشىسىنا اينالدى، ونىڭ تەحنيكاسىن كوپتەگەن ەلدەردە جوعارى بەرىكتىلىگى پەن ونىمدىلىگى، تومەن دەڭگەيلى شۋى مەن ەكولوگيالىق تازالىعى ءۇشىن باعالايدى. كومپانيا الەمدىك نارىقتىڭ 49%-ىن قامتيدى جانە الەمدەگى ءاربىر ەكىنشى ەكسكاۆاتور-تيەگىش وسى JCB كومپانياسىمەن ساتىلادى. قازاقستاننىڭ وراسان زور الاڭى مەن وڭىرگە بايلانىستى وزگەرەتىن ەرەكشە تابيعات جاعدايلارىنا قاراي JCB ماشينالارىن وڭتۇستىك ەندىكتەن سولتۇستىك ەندىككە دەيىنگى بارلىق كليماتتىق ايماقتاردا جۇمىس ىستەۋ قابىلەتتىلىگى ءۇشىن ەرەكشە باعالايدى.
- مەن كومپانيامىزدىڭ قازاقستانداعى جاڭا ءارى ەڭ ۇلكەن ديلەرلىك ورتالىقتىڭ اشىلۋىن قولدايمىن. وتكەن جىلى JCB-مەن برەند تەحنيكاسىنىڭ 100 000 اسا بىرلىگى ساتىلدى جانە دە ساتۋ كولەمىن ۇلعايتۋدى جالعاستىرۋدامىز. قازاقستانداعى ماقساتىمىز – كەلەسى جىلى نارىقتىڭ 20%-دان استام ۇلەسىن قامتۋ، سونداي-اق جىلدان جىلعا بۇل ۇلەستى ۇلعايتۋ بولىپ تابىلادى. بۇل ماقساتقا قول جەتكىزەمىز دەپ ويلايمىن، سەبەبى قازاقستان بەلسەندى دامۋ جولىندا، ۋرباندالۋ پروتسەسى، مەگاپوليستەر مەن وزگە ەلدى مەكەندەردى سالۋ پروتسەسى قارقىندى ءجۇرىپ جاتىر، ال JCB تەحنيكاسى قۇرىلىس جانە ەكونوميكانىڭ ءار ءتۇرلى سالالارىندا كەڭىنەن قولدانىلادى, - دەپ JCB Sales اتقارۋشى ديرەكتورى توم كورنەل (انگليا) ايتىپ ءوتتى.
Orbis Auto اۆتوموبيل توبى جاڭا ديلەرلىك ورتالىق قۇرىلىسىنا 1,5 ميلليون دوللاردان استام ينۆەستيتسيا سالدى. ورتالىقتىڭ اشىلۋى 30-دان استام ماماندى جۇمىس ورنىمەن قامتىدى. پەرسونالدىڭ بارلىعى – ارنايى تەحنيكا ساتۋشىلارى دا، تەحنيكالىق پەرسونال دا – كومپانيادا تۇراقتى بولىپ تابىلاتىن جانە ىشكى وقۋدى قامتيتىن الدىن الا ترەنينگتەر مەن ۇلىبريتانيادان كەلگەن زاۋىت وكىلدەرىنىڭ قاتىسۋىمەن جۇرگىزىلەتىن حالىقارالىق ترەنينگتەردەن ءوتتى.
- Orbis Auto بارلىق قازاقستان بويىنشا JCB تەحنيكاسىن ساتۋ جانە وعان سەرۆيستىك قىزمەت كورسەتۋ بويىنشا باعىتتى بەلسەندى تۇردە دامىتۋدا. اسىرەسە بۇل تەحنيكا قازاقستاننىڭ باتىسىنداعى مۇناي-گاز سەكتورىندا جاقسى بەرىلگەن، سونداي-اق ول ەلدەگى بارلىق قۇرىلىستا، سونىمەن قاتار كوشەنى جيناۋ، قاردان تازالاۋ سياقتى مۋنيتسيپالدىق جوبالاردا قولدانىلادى. ءدال وسى بريتاندىق ءوندىرۋشى الماتىداعى العاشقى زاماناۋي قوقىستى سۇرىپتاۋ كەشەنىن جابدىقتاۋعا قاتىسقان. بۇگىنگى تاڭدا ءبىز بولاشاققا سەنىمدى قاراپ، قۇرىلىس جابدىقتارىنىڭ الەمدىك جەتەكشى وندىرۋشىلەرىنىڭ ونىمىنە دەگەن سۇرانىسى مەن ءبىزدىڭ ءمىنسىز ساتۋدان كەيىنگى قىزمەت كورسەتۋىمىز قازاقستاندا بۇدان ءارى وركەندەي بەرەدى دەپ ەسەپتەيمىز. نۇر-سۇلتان، شىمكەنت جانە اتىراۋ قالالارىندا JCB 3S ديلەرلىك ورتالىقتارىن سالۋ كومپانيانىڭ جوسپارىندا بار. JCB تەحنيكاسى سەرىكتەستەرىمىز بەن كليەنتتەرىمىز ءۇشىن ودان ءارى قولجەتىمدى بولۋ ءۇشىن تامىز ايىندا ءبىزدىڭ تەحنيكانى قارجىلاندىرۋدىڭ ارنايى باعدارلاماسىن ىسكە قوستىق، - دەپ Orbis Auto باس ديرەكتورى دينارا يسكاكوۆا ايتتى.
باعدارلامانى قارجىلاندىرۋمەن Orbis Finance كومپانياسى اينالىسادى، ول Orbis Kazakhstan كومپانياسىنىڭ قۇرامىنا كىرەدى جانە Orbis Auto توبىنىڭ اۆتوموبيل بولىمشەلەرىنىڭ ديلەرلىك ورتالىقتارىندا اۆتوموبيل، جۇك جانە ارنايى تەحنيكا ساتىپ الۋشىلارىنا ارنالعان قارجى ونىمدەرى مەن قىزمەتتەرىن قازاقستاندىق نارىقتا اناعۇرلىم ءتيىمدى جانە قولايلى ەتىپ ازىرلەۋدى جانە ۇسىنۋدى جۇزەگە اسىرادى. تەحنيكانى ساتىپ العاندا كليەنتكە 8 اي ىشىندە ساتىپ العانى ءۇشىن ارتىق تولەم جاساماۋعا مۇمكىندىك بەرەتىن ارنايى ءبولىپ تولەۋ باعدارلاماسى ازىرلەنگەن. بارلىق تولەمدەر اتالعان كەزەڭگە بىركەلكى بولىنەدى جانە تەڭگەدە بەكىتىلەدى، بۇل كليەنتتەردى باعام تاۋەكەلدەرىنەن قورعايدى. سونداي-اق كومپانيانىڭ قارجى ءونىمى كەز كەلگەن تەحنيكانى ليزينگكە 12, 24 جانە 36 ايعا Orbis Auto-نىڭ نارىقتاعى ءبىر دە ءبىر باسەكەلەسىندە جوق تومەندەتىلگەن مولشەرلەمەلەر بويىنشا ساتىپ الۋعا مۇمكىندىك بەرەدى.
الماتىداعى JCB 3S ديلەرلىك ورتالىعى اشىلىمىنىڭ شارىقتاۋ شەگى -ۇلىبريتانيادان كەلگەن وپەراتورلار مەن كومپانيانىڭ ينجەنەر-مەحانيكتەرى باسقارعان JCB ەكسكاۆاتور-تيەگىشتەردىڭ اتى اڭىزعا اينالعان شوۋ ءبيى بولدى. سالماقتارى 8 توننادان اساتىن ماشينالار جەر بەتىنەن گيدراۆليكا كۇشىمەن ەكى مەتردەن ارتىق بيىكتىككە وڭايلىقپەن كوتەرىلدى.
بيلەيتىن ەكسكاۆاتورلاردىڭ شوۋ تاريحى 1970 جىلى باستالعان، ول كەزدە JCB كومپانياسىنىڭ قىزمەتكەرى نوەل حۋپەر ءشومىش جانە مەحانيكالىق كۇرەكتىڭ كومەگىمەن اسفالتقا تىرەلىپ، گيدراۆليكانى قوسقان – تراكتور استىنان اۆتوموبيل ەركىن ءوتىپ كەتەتىن بيىكتىككە كوتەرىلگەن. بۇل ارەكەتتى تەلەۆيزيالىق كامەرالاردىڭ الدىندا كورسەتكەن جانە ءدال سول كۇنى كەشكە JCB قۋاتى بۇكىل انگليعا ءمالىم بولدى. ال باسەكەلەستەر وتباسىلىق بامفورد كومپانياسىنىڭ باسشىسى مەن يەسىن «تسيركتىك تريۋكاچتار» دەپ اتادى، الايدا ول بۇعان وكپەسىن بىلدىرىگەن جوق، كەرىسىنشە، ولارعا وي بەرگەنى ءۇشىن العىسىن ءبىلدىرىپ، «JCB ەكسكاۆاتورلارى بيلەيتىن» «JCB تسيركىنىڭ» نەگىزىن سالدى. اتالعان شوۋ قۇرىلىس جانە اۋىل شارۋاشىلىق تەحنيكاسىنىڭ بارلىق ءىرى كورمەلەرىنىڭ سۇيىكتى قوناعى بولىپ تابىلادى. ال كومپانيانىڭ جاڭا ديلەرلىك ورتالىعى الماتىدا اشىلۋىنىڭ ارقاسىندا وپەراتورلاردىڭ شەبەرلىگىن سالتاناتتى جيىننىڭ قوناقتارى باعالاي الدى.
تەگتەر JCB ورتالىعى

سوڭعى جاڭالىقتار