9 قىركۇيەك, 16:35 187 0 جاڭالىقتار Túrkistan Gazeti

ۇلكەن الماتى شىڭىندا ەرلى-زايىپتىلار جوعالىپ كەتتى

ۇلكەن الماتى  شىڭىندا اداسقان ەرلى-زايىپتىلار قۇتقارىلدى. بۇل تۋرالى ءىىم توتەنشە جاعدايلار كوميتەتى حابارلادى.

ۆەدومستۆو مالىمەتىنشە، 8 قىركۇيەك كۇنى تاڭەرتەڭ جاس جۇبايلار ۇلكەن الماتى شىڭى اۋدانىندا تاۋعا جورىققا شىعىپ، كەشكە قاراي اداسىپ كەتكەن. كەشكى ساعات 21-00-دە قر ءىىم تجك رەسپۋبليكالىق جەدەل قۇتقارۋ وتريادىنىڭ كەزەكشىلىگىنە ەرلى-زايىپتىلاردىڭ باعداردان اداسىپ، تاۋعا جوعارى شىعىپ بارا جاتقاندىعى تۋرالى  حابارلاما تۇسكەن. ولار ناقتى قاي جەردە ەكەندەرىن بىلمەگەن. تۋريستەردىڭ قيىن جاعدايعا تاپ بولعاندىعى تۋرالى اقپارات تۇسكەننەن كەيىن قر ءىىم تجك رەسپۋبليكالىق جەدەل قۇتقارۋ وتريادىنىڭ  جەدەل قۇتقارۋ توبى ءىز كەسەتىن يتپەن بىرگە وقيعا ورنىنان اتتانعان. ۇلكەن الماتى كولى اۋدانىنا كەتكەن 10  قۇتقارۋشى مەن 1 ءىز كەسەتىن يت جاياۋ ىزدەۋ-قۇتقارۋ جۇمىسىنا كىرىسكەن.

«بىرنەشە شاعىن توپقا بولىنگەن قۇتقارۋشىلار توڭىرەكتى ءسۇزىپ شىعۋدى باستادى. 9 قىركۇيەك كۇنى تاڭەرتەڭگى ساعات 05-34-تە قۇتقارۋشىلار 2 800 مەتر بيىكتىكتەن  وتباسىن تاپتى.  ەكەۋى دە مەديتسينالىق كومەكتى قاجەتسىندى. قىز تايعاناق تاستارمەن ورمەلەپ كەلە جاتقاندا ساۋساقتارىن اۋىرتىپ العان. ەكەۋىنە دە سالقىن تيگەن. سەبەبى كيىمدەرى تاۋلى اۋا رايىنا ساي ەمەس. قۇتقارۋشىلار العاشقى مەديتسينالىق كومەك كورسەتىپ، تومەنگە ءتۇسىردى. سودان كەيىن زارداپ شەككەندەردى قر ءىىم تجك اپاتتىق مەديتسينا ورتالىعىنىڭ بريگاداسىنا تابىستادى. ال ولار تۋريستەردى 12 قالالىق اۋرۋحاناعا جەتكىزدى»، - دەلىنگەن ۆەدومستۆو اقپاراتىندا.

سوڭعى جاڭالىقتار