9 قىركۇيەك 2019, 09:05 407 0 جاڭالىقتار Túrkistan Gazeti

نۇرسۇلتان نازارباەۆ «قازاقستان» ۇلتتىق پاۆيلونىنا باردى

ەلباسى رەسەي پرەزيدەنتى ۆلاديمير پۋتينمەن قالپىنا كەلتىرىلگەن «قازاقستان» ۇلتتىق پاۆيلونىن ارالاپ كوردى. بۇل تۋرالى Elbasy.kz حابارلادى.

پاۆيلونعا كىرە بەرىستە كەلگەن قوناقتارعا ارنايى «استانا وپەرا» مەملەكەتتىك وپەرا جانە بالەت تەاترىنىڭ حورى مەن بالەت ترۋپپاسىنىڭ ورىنداۋىندا «ەل سالتاناتى» ۆوكالدى-حورەوگرافيالىق كومپوزيتسياسىنىڭ كورسەتىلىمى ۇيىمداستىرىلدى.

سونىمەن قاتار، پاۆيلون قوناقتارى تابيعي جانە ەكولوگيالىق تازا ونىمدەر مەن ۇلتتىق تاعامدار ۇسىنىلعان قازاقستاندىق اۋىلشارۋاشىلىق ونىمدەرىنىڭ كورمە-جارمەڭكەسىن قاراپ شىقتى.

بىرەگەي كورمە كەشەنىنىڭ ەكسپوزيتسياسىمەن تانىسۋ بارىسىندا نۇرسۇلتان نازارباەۆ پەن ۆلاديمير پۋتين پاۆيلوننىڭ «قۇرمەتتى قوناقتار كىتابىنا» جازبا قالدىردى.

سونىمەن قاتار، قازاقستاننىڭ تۇڭعىش پرەزيدەنتى مەن رەسەي پرەزيدەنتى قازاقستاننىڭ تاريحي-مادەني مۇراسىنا ارنالعان قر ۇلتتىق مۋزەيىنىڭ كورمەسىن تاماشالادى. كورمەگە ب.ە. دەيىنگى VIII – VI عاسىرلارعا جاتاتىن 30-دان استام بىرەگەي ەكسپوزيا قويىلعان.

سوڭعى جاڭالىقتار