7 قىركۇيەك, 11:42 317 0 ونەر ءTúrkىstan International Political Weekly

ماسكەۋلىكتەر قازاق كينولارىنا اعىلۋدا

قازاقستاننىڭ رەسەيدەگى مادەنيەت كۇندەرى اياسىندا ماسكەۋ جۇرتشىلىعىنا، اتاقتى ترەتياكوۆ گالەرەياسىندا قازاق كينوسىنىڭ ءىنجۋ-مارجاندارى كورسەتىلەدى.

8 قىركۇيەكتە ساعات 16:00-دە قوناقتاردى «قازاق حاندىعى. التىن تاق» ءفيلمىنىڭ رەجيسسەرى رۇستەم ابدىراشەۆ قارسى الادى. سالتاناتتى اشىلۋدان سوڭ كورەرمەندەر اراسىندا تانىمال بولعان «قازاق حاندىعى. التىن تاق» ءفيلمى كينوونەرىن باعالاۋشىلاردىڭ وتىنىشتەرى بويىنشا ماسكەۋ تۇرعىندارى مەن قوناقتارىنا قايتا ۇسىنىلادى. تاريحي فيلم ساعات 16:30-دا باستالادى.

سول كۇنى ساعات 19:00-دە ترەتياكوۆ گالەرەياسى، ينجەنەرلىك كورپۋسىنىڭ كينوزالىندا رەجيسسەر دجەفف ۆەسپانىڭ «امىرە» ءفيلمىنىڭ پرەمەراسى وتەدى.

«يلليۋزيون» كينوتەاترى  كينومارافوندى جالعاستىرادى. 9 قىركۇيەكتە ساعات 17:00-دە سوناۋ وتكەن عاسىردا، 1954 جىلى جارىققا شىققان «ماحاببات تۋرالى پوەما» ءفيلمىنىڭ كورسەتىلىمى بولادى. كارتينانىڭ رەجيسسەرلەرى شاكەن ايمانوۆ پەن كارل گاككەل. شاكەن ايمانوۆتىڭ «الداركوسە» ءفيلمىنىڭ كورسەتىلىمى 10 قىركۇيەكتە ساعات 17:30-دا باستالادى.

كينوماروفوندى 11 قىركۇيەك كۇنى ساعات 19: 00-دە رەجيسسەر اندرەي شالوپ پەن كيم ءدرۋجينيننىڭ «28 پانفيلوۆشى» كارتيناسى قورىتىندىلايدى.

بارلىق كورسەتىلىمدەرگە كىرۋ تەگىن. 

سوڭعى جاڭالىقتار