6 قىركۇيەك, 18:41 274 0 جاڭالىقتار Túrkistan Gazeti

ەلوردادا «قالامگەر» دراماسىنىڭ تۇساۋكەسەرى ءوتتى

بۇل تۋرالى «حابار» اگەنتتىگى حابارلادى.

كوركەم ءفيلمنىڭ ستسەناريىن - سەرجان زاكەرۇلى  جازعان. كارتينادا وتكەن عاسىردىڭ 70-80-جىلدارىندا ءومىر سۇرگەن قالامگەرلەردىڭ ءومىرى مەن شىعارماشىلىعى سۋرەتتەلەدى. سول زامانداعى ءدۇيىم جۇرتتىڭ بارىن باپتاپ، جوعىن جوقتاۋمەن جۇرگەن قارىمى مول قازاق جازۋشىلارىنىڭ  باستان كەشكەن ناۋبەتتەرى، زامان مەن ادام اعىمىنداعى قاراما-قايشىلىقتار، بيلىك پەن بۇقارا اراسىنداعى بايلانىس وسى فيلمگە ارقاۋ بولعان.

«جازۋشىلار وداعىنىڭ بيىك مىنبەرىندە پارتيانىڭ جالىندى ۇندەۋلەرى جاريالانسا، جازۋشىلار ءۇيىنىڭ ىرگەسىندەگى «قالامگەر» ءدامحاناسىندا ايتىلاتىن اڭگىمەلەردىڭ اۋانى ءتىپتى باسقا بولاتىن. كومپارتيا نۇسقاۋلارىنىڭ كۇشى جۇرمەيتىن، تسەنزۋرانىڭ قامىتى قىسپايتىن، جازۋشىلاردىڭ ويىن اشىق ايتىپ، ءازىلى مەن استارلى اڭگىمەسى، قالجىڭى مەن قاعىتپاسى قاتار جۇرەتىن «قالامگەر» ءدامحاناسى سول كەزدەگى قوعامنىڭ شىنايى بەت-پەردەسىنىڭ سيمۆولى رەتىندە الىنىپ وتىر. اتالمىش دراما ءبىر جاعى - قولىنا قالام ۇستاعان جازۋشى قاۋىمدى مەڭزەسە، استارلى ماعىناسىندا قالامگەر قاۋىمنىڭ تاۋەلسىزدىككە ۇمتىلعان بۇلقىنىسى، ىشىنە سىيماعان شەرلەرىن تارقاتاتىن ورىن - «قالامگەر» ءدامحاناسى جايىندا بولادى»، - دەيدى كارتينانىڭ رەجيسسەرى مۇرات بيدوسوۆ.

كارتينادا باستى رولدەردى باعداۋلەت شايماحان، جالعاس تولعانباي، نارگيز التايباي، ەرگەنباي ابۋەۆ، دوسجان جانبوتاەۆ، بالتاباي سەيىتمامىتوۆ، كەنەن اقۇرپەكوۆ، ايدار امانباي جانە ت.ب. اكتەرلار سومدايدى. ايتا كەتەيىك، تۋىندى 12 قىركۇيەكتەن باستاپ ەلىمىزدىڭ كينوتەاترلارىندا كورسەتىلەدى.

تەگتەر قالامگەر

سوڭعى جاڭالىقتار