5 قىركۇيەك, 18:43 371 0 جاڭالىقتار Túrkistan Gazeti

مەمقىزمەتشىلەردى قىسقارتۋعا بايلانىستى اگەنتتىك كەڭەس وتكىزدى

مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆا مەملەكەت باسشىسىنىڭ «Cىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋىن ىسكە اسىرۋ ماسەلەلەرىن تالقىلاۋ جونىندە كەڭەس وتكىزدى. بۇل تۋرالى اگەنتتىكتىڭ ءباسپاسوز قىزمەتى حابارلادى. 

كەڭەسكە اگەنتتىكتىڭ ورتالىق اپپاراتىنىڭ، ونىڭ ۆەدومستۆولىق باعىنىستى ۇيىمدارى – قر پرەزيدەنتى جانىنداعى مەملەكەتتىك باسقارۋ اكادەمياسىنىڭ، پەرسونالدى باسقارۋ جونىندەگى ۇلتتىق ورتالىعىنىڭ، سونداي-اق بەينەكونفەرەنتسبايلانىس ارقىلى اگەنتتىكتىڭ اۋماقتىق دەپارتامەنتتەرىنىڭ قىزمەتكەرلەرى قاتىستى.

انار جايىلعانوۆا جولداۋدان تۋىندايتىن مەملەكەتتىك قىزمەتتى جەتىلدىرۋگە باعىتتالعان مىندەتتەردى ساپالى جانە ۋاقىتىلى ورىنداۋدى قامتاماسىز ەتۋ جونىندە تاپسىرما بەردى.

«مەملەكەت باسشىسىمەن 2024 جىلعا دەيىن مەملەكەتتىك قىزمەتشىلەردىڭ جانە ۇلتتىق كومپانيالار قىزمەتكەرلەرىنىڭ سانىن 25 پايىزعا بىرتىندەپ قىسقارتۋعا كىرىسىپ،  ۇنەمدەلگەن قاراجاتتى نەعۇرلىم پايدالى قىزمەتكەرلەردى ىنتالاندىرۋعا جۇمساۋ مىندەتى قويىلدى. بۇل رەتتە جاس كادرلاردى مەملەكەتتىك قىزمەتكە تارتۋ، سونداي-اق مەريتوكراتيا قاعيداتتارىن ساقتاۋ جونىندەگى شارالاردى پىسىقتاۋ قاجەت. ءبىزدىڭ الدىمىزدا اتالعان تاپسىرمانى جۇزەگە اسىرۋ ءۇشىن تاسىلدەمە جاساۋ مىندەتى تۇر»، - دەپ اتاپ ءوتتى توراعا.

سونداي-اق اگەنتتىك توراعاسى مەملەكەت باسشىسى اتاپ وتكەن  سىبايلاس جەمقورلىقپەن جان-جاقتى كۇرەسۋ ماسەلەسىنىڭ ماڭىزدىلىعىنا توقتالدى. مەملەكەتتىك قىزمەتشىلەر اراسىنداعى سىبايلاس جەمقورلىققا قارسى ءىس-قيمىل ماسەلەلەرىن ەتيكالىق باقىلاۋ پريزماسى ارقىلى قاراۋدىڭ قاجەتتىلىگى اتاپ ءوتىلدى.

ا. جايىلعانوۆانىڭ ايتۋىنشا: «مەملەكەتتىك قىزمەتشىلەر، اسىرەسە باقىلاۋشى ورگانداردا قىزمەت اتقاراتىن ماماندار بيزنەس-قوعامداستىقپەن قارىم-قاتىناستا ەتيكالىق نورمالار مەن مەملەكەتتىك قىزمەت تۋرالى زاڭنامانىڭ قانداي دا ءبىر بۇزۋشىلىعىن زاڭدى كاسىپكەرلىك قىزمەتكە كەدەرگى كەلتىرۋ نەمەسە بىرەۋدىڭ مۇددەلەرىن جاقتاۋعا جاسالعان تالپىنىس رەتىندە باعالانۋى مۇمكىن ەكەندىگىن ناقتى ءتۇسىنۋى قاجەت».

ونىڭ ايتۋىنشا، ەلەكتروندىق تۇردە كورسەتىلەتىن مەملەكەتتىك قىزمەتتەردىڭ ۇلەسىن ودان ءارى كوبەيتۋ قاجەتتىلىگى، ونىڭ ىشىندە  قولما-قول اقشاسىز تولەمدەردى جۇزەگە اسىرۋ ايتارلىقتاي ماڭىزعا يە. اسىرەسە، بۇل مەملەكەت باسشىسىنىڭ تسيفرلىق ەكونوميكانى جانە ورتالىق ازيا وڭىرىندە ينفوكوممۋنيكاتسيالىق تەحنولوگيالاردى دامىتۋ دەڭگەيى بويىنشا كوشباسشىلىقتى كۇشەيتۋ، سونداي-اق قولما-قول اقشاسىز تولەۋ جۇيەسىن جاپپاي ەنگىزۋ جونىندەگى ايتقان مىندەتتەرى اياسىندا وزەكتى بولىپ تابىلادى.

سوڭعى جاڭالىقتار