4 قىركۇيەك, 19:05 406 0 قاۋىپسىزدىك Túrkistan Gazeti

سوڭعى سەگىز اي ىشىندە ەلوردادا 377 ءورت بولعان

2019 جىلدىڭ سەگىز ايىندا استانادا 377 ءورت بولىپ، ناتيجەسىندە 12 ادام قازا تاپتى، دەپ حابارلايدى ەلوردا اكىمدىگىنىڭ رەسمي سايتى. 

تجد-ءنىڭ مالىمەتىنە سايكەس، ەلوردادا ءورتتىڭ 56%-دان استام جەكە سەكتورداعى جەر ۇيلەردە ورىن الادى. الداعى جىلىتۋ ماۋسىمىنىڭ الدىندا دەپارتامەنت قىزمەتكەرلەرى تۇرعىندارعا ءورت قاۋىپسىزدىگىنىڭ ەرجەلەرىن ساقتاۋ قاجەتتىگىن ەسكەرتەدى. ءورت قاۋىپسىزدىگى تۋرالى ءتۇسىندىرۋ اكتسياسى اۋداندىق اكىمدىكتەر مەن پوليتسەيلەرمەن بىرلەسىپ جۇرگىزىلەدى.

«جىل سايىن جەكە سەكتورداعى ۇيلەردى ارالاپ، رەيد جۇرگىزەمىز. اكتسيا بارىسىندا تۇرعىندارعا قاۋىپسىزدىك شارالارىن ەسكەرتەمىز. كوپ ادامدار ءورت ءبىزدى اينالىپ وتەدى دەپ ويلايدى. وكىنىشكە قاراي، مۇنداي سالعىرتتىقتىڭ سوڭى قايعىلى وقيعاعا اكەلىپ جاتادى»، - دەدى نۇر-سۇلتان قالاسى تجد-ءنىڭ باسقارما باسشىسى ورال ءابدىراحمانوۆ.

دەپارتامەنت وكىلىنىڭ ايتۋىنشا، جىلىتۋ ماۋسىمى باستالماس بۇرىن جىلىتۋ قۇرالدارىنىڭ دايىندىعىن تەكسەرىپ العان ءجون. پەشتىڭ مۇرجاسىن تازالاپ، ەلەكتر جەلىلەرىنىڭ جاعدايىن تەكسەرگەن ابزال، دەيدى ماماندار.

سوڭعى جاڭالىقتار