23 تامىز, 10:24 409 0 جاڭالىقتار Túrkistan Gazeti

ەلوردا اكىمى مۇعالىمدەرگە تۇرعىن ءۇي سەرتيفيكاتتارىن تابىس ەتتى

استانا اكىمى التاي كولگىنوۆ تامىز كونفەرەنتسياسىندا 15 ۇستازعا 1 ملن تەڭگەدەن تۇرعىن ءۇي سەرتيفيكاتتارىن تابىس ەتتى. سونىمەن قاتار 3 مەكەمەگە 10 ملن تەڭگەدەن اكىم گرانتى تابىستالدى. بۇل تۋرالى قالا اكىمدىگىنىڭ رەسمي سايتى حابارلادى.

كونفەرەنتسيادا قالا اكىمى ەلباسىنىڭ باستاماسىمەن قولعا الىنعان «پەداگوگ مارتەبەسى تۋرالى» زاڭ مۇعالىمنىڭ مارتەبەسىن ارتتىرىپ قانا قويماي، ونىڭ ەلىمىزدىڭ دامۋىنداعى باستى ءرولىن دە اتاپ ءوتتى.

«مۇعالىمدەرگە قوسىمشا جۇكتەمەلەر جۇكتەلدى، قوعامدىق شارالارعا تارتىلدى. پرەزيدەنت پەداگوگتاردى وزىنە ءتان ەمەس فۋنكتسيالاردان بوساتۋدى تاپسىردى. مۇعالىمدەر ءوز ىسىمەن اينالىسۋى كەرەك - بالاردى ۇيرەتىپ، ءبىلىم بەرۋ»، - دەدى ا. كولگىنوۆ.

قاسىم-جومارت توقاەۆ سونداي-اق 4 جىل ىشىندە جالاقىنى كەزەڭ-كەزەڭمەن 2 ەسەگە ارتتىرۋدى تاپسىردى. سونىمەن قاتار مۇعالىمدەردى تۇرعىن ۇيمەن قامتاماسىز ەتۋ وزەكتى ماسەلە بولىپ تابىلادى. وتكەن جىلدان باستاپ جەڭىلدىكتى نەسيەلەۋ ءۇشىن باستاپقى جارنا رەتىندە 1 ملن.تەڭگەدەن 275 تۇرعىن ءۇي سەرتيفيكاتى بەرىلدى. كەلەسى جىلدان باستاپ سالىنايىن دەپ جاتقان قولجەتىمدى تۇرعىن ءۇي كولەمى ۇلعايتىلاتىن بولادى. اكىمنىڭ ايتۋىنشا، پەداگوگتاردىڭ بىلىكتىلىگىن ارتتىرۋ مەن ولاردى دايىنداۋعا ەرەكشە كوڭىل ءبولۋ قاجەت. قالادا شامامەن 200 مۇعالىم تاپشى.

«جاڭا وقۋ جىلىنىڭ الدىندا ءبىز كۇن سايىن ءبىلىم بەرۋ نىساندارىن ارالايمىز، وقۋ جىلىنا دايىندىق بارىسىن باقىلايمىز جانە بارلىق پروبلەمالاردى كورىپ وتىرمىز. بىرىنشىدەن، بۇل ساپالى الەۋمەتتىك ينفراقۇرىلىممەن قامتاماسىز ەتۋ. تەك سوڭعى 10 جىلدا مەكتەپتەر سانى 1,5 ەسەگە ءوستى: 73 مەكتەپتەن جانە 75 مىڭ وقۋشىدان 108 مەكتەپكە دەيىن، وندا قىركۇيەك ايىنان باستاپ 185 مىڭ وقۋشى وقيتىن بولادى. الداعى 5 جىلدا 40 ءبىلىم بەرۋ نىسانىنىڭ قۇرىلىسى جوسپارلانعان،ونىڭ ىشىندە جەكە ينۆەستورلاردىڭ سالاتىن مەكتەپتەرى دە بار. ەكىنشىدەن، سالىنىپ جاتقان نىسانداردى ينكليۋزيۆتى ءبىلىم بەرۋ تالاپتارىن ەسكەرە وتىرىپ جوبالاۋ قاجەت»،-دەدى ا. كولگىنوۆ.

قالا اكىمى ازاماتتاردى قابىلداۋ كەزىندە اتا-انالار بالالارعا مەكتەپ كيىمىن تاڭداۋ تۋرالى ءوتىنىش بىلدىرگەنىن اتاپ ءوتتى. ويتكەنى ۇسىنىلعان كيىم مولشەرى بويىنشا ارقاشان سايكەس كەلە بەرمەيدى جانە ساپاسىز ماتەريالداردان تىگىلەدى. ەگەر وتكەن جىلى "جالپىعا مىندەتتى ءبىلىم بەرۋ" قورى اياسىندا 1700 بالا كومەك السا، بيىل 9 مىڭ ءوتىنىش تۇسكەن. اكىمدىك "اتامەكەن" كاسىپكەرلەر پالاتاسىمەن بىرگە 9 دۇكەندە مەكتەپ فورماسىن ساتىپ الۋعا سەرتيفيكاتتار بەرەدى. اتا-انالار كەز كەلگەن ۇناعان تاۋاردى تاڭداي الادى.

سونىمەن قاتار، تامىز كونفەرەنتسياسىندا مۇعالىمدەر تەك قانا بالالاردىڭ ءبىلىم الۋىنا عانا ەمەس، سونىمەن قاتار بالالاردىڭ ەموتسيونالدىق جانە الەۋمەتتىك جاعدايىن ءجىتى باقىلاۋ قاجەتتىلىگىن اتاپ ءوتىلدى. قالا اكىمى ۇستازدارعا ەڭبەگى ءۇشىن العىس ايتىپ، الدا اۋقىمدى جۇمىس كۇتىپ تۇرعانىن اتاپ ءوتتى.

سوڭعى جاڭالىقتار