19 تامىز, 08:36 264 0 جاڭالىقتار Túrkistan Gazeti

بۇقتىرماعا باتىپ كەتكەن كولىك تابىلدى

شىعىس قازاقستاندا سۇڭگۋىرلەر بۇقتىرما وزەنىنە باتىپ كەتكەن كولىكتى جاعاعا شىعاردى. اۆتوكولىكتىڭ ىشىنەن جۇرگىزۋشىنىڭ دەنەسى تابىلدى، دەپ حابارلايدى قازاقپارات التاينيۋسكە سىلتەمە جاساپ.

شقو تجد-نىڭ جەدەل قۇتقارۋ جاساعى ىزدەستىرۋ جۇمىستارى بارىسىندا بۇقتىرما وزەنىندە جاعالاۋعا جاقىن ماڭنان «وپەل» ماركالى اۆتوكولىكتى تاپتى. سونداي-اق كولىك ىشىندە بولعان ەر ادامنىڭ كوز جۇمعانى انىقتالىپ وتىر. «ءبىزدىڭ قۇتقارۋشىلار توبى دەرەۋ پوليتسيا قىزمەتكەرلەرىنە حابار بەردى. جاعدايدى قۇزىرەتتى ورگاندار مۇمكىندىگىنشە انىقتاۋى كەرەك»، - دەيدى جەدەل قۇتقارۋ جاساعى №8 بولىمشەسىنىڭ باسشىسى ناۋرىز سماعۇلوۆ.

قازىرگى ۋاقىتتا پوليتسيا قىزمەتكەرلەرى وقيعانىڭ سەبەبى مەن ءمان-جايىن جان-جاقتى قاراستىرۋدا. كولىكتە قازا تاپقان ازاماتتىڭ اتى-ءجونى انىقتالدى.

سوڭعى جاڭالىقتار