16 تامىز, 15:54 383 0 ءبىلىم Túrkistan Gazeti

ۇبت تاپسىرۋ ەلەكتروندى جۇيەگە كوشىرىلەدى - اسحات ايماعامبەتوۆ

بۇل تۋرالى بۇگىن تامىز كونفەرەنتسياسىندا ءبىلىم جانە عىلىم ءمينيسترى اسحات ايماعامبەتوۆ ايتتى.

«ءبىز ۇلتتىق بىرىڭعاي تەستىلەۋ پروتسەدۋراسىن ترانسفورماتسيالاۋدى جوسپارلاپ وتىرمىز. وسى رەتتە وقۋشىلاردىڭ جۇيەنى الداۋ جولدارىن ىزدەۋ فاكتىلەرىنىڭ ورىن الىپ وتىرعاندىعىن اتاپ وتكىم كەلەدى. تەلەفون الىپ كىرىپ، ءوزىنىڭ ءبىلىمى مەن داعدىسىمەن ەمەس، باسقا دا قوسىمشا قۇرىلعىلاردىڭ كومەگىمەن كوبىرەك بالل الۋدى ويلايدى»،  دەدى ول.

سونداي-اق مينيستر الداعى ۋاقىتتا ۇبت تاپسىرۋ جۇيەسىندە وزگەرىس بولۋى مۇمكىن دەدى.

«بۇل رەتتە ءبىز ۇلتتىق بىرىڭعاي تەست تاپسىرۋدى بىرتىندەپ ەلەكتروندى جۇيەگە كوشىرۋدى جوسپارلاپ وتىرمىز. مۇنداي ويىمىز بار. بىزگە ۇبت گرانتتاردى ءبولۋدىڭ اشىقتىعى مەن ادىلدىگىنە كەپىل بەرۋى قاجەت»، دەدى ا.ايماعامبەتوۆ.

تەگتەر (ۇبت)

سوڭعى جاڭالىقتار