16 تامىز, 10:26 389 0 تۋريزم ءTúrkىstan International Political Weekly

تۇركىستانعا شەتەلدىك جۋرناليستەر كەلدى

تۇركىستان وبلىسىنا ءبىر توپ شەتەلدىك باسىلىمداردىڭ تىلشىلەرى كەلىپ، ارىستانباب، قوجا احمەت ياساۋي كەسەنەلەرىنە ساياحات جاسادى.

ەلباسىنىڭ «رۋحاني جاڭعىرۋ» باعدارلاماسىنىڭ «جاھانداعى زاماناۋي قازاقستاندىق مادەنيەت» جوباسىن حالىقارالىق دەڭگەيدە ىلگەرىلەتۋ شەڭبەرىندە شەتەلدىك باق وكىلدەرىنىڭ قاتىسۋىمەن وتكەن «مادەني» ءباسپاسوز-تۋرى قازاقستان رەسپۋبليكاسى سىرتقى ىستەر مينيسترلىگى جانە تۇركىستان وبلىسى اكىمدىگىنىڭ ۇيىمداستىرۋىمەن ءوتتى.

اۋستريا، گەرمانيا، يتاليا، كورەيا، قىتاي، مىسىر، ۇلىبريتانيا، ءۇندىستان، فرانتسيا، شۆەتسيا، شۆەيتساريا سىندى مەملەكەتتەردىڭ، اتاپ ايتقاندا «Specchio Economico» (يتاليا), «Global Times» (قىتاي), «Le Figaro» (فرانتسيا), «Korean Broadcasting System» تەلەارناسى (كورەيا), «The Holiday Magazine» (ۇلىبريتانيا) 20-عا جۋىق ءجۋرناليسى تۇران دالاسىنىڭ تاريحىمەن تانىسۋدى الدىمەن ارىستانباب كەسەنەسىنەن باستادى.
ونداعى كونە جادىگەردىڭ ارحيتەكتۋرالىق ەرەكشەلىگى مەن تاريحي ءمان-ماڭىزى جۋرناليستەردىڭ قىزىعۋشىلىعىن وياتىپ، تاڭ-تاماشا ەتتى.
مۇنان كەيىن «وتىرار» مەملەكەتتىك ارحەولوگيالىق قورىق-مۋزەيى مەن كونە وتىرار قالاشىعىن ارالاپ كوردى. ارنايى جايىلعان داستارحانداعى ۇلتتىق تاعامداردان ءدام تاتتى.
شەتەلدىك جۋرناليستەر ايالداعان كەلەسى ورىن – تۇركىستانداعى قوجا احمەت ياساۋي كەسەنەسى بولدى. تۇركى الەمىنىڭ رۋحاني استاناسى سانالاتىن تۇركىستان شاھارىنىڭ باي تاريحىمەن تانىسقان ءباسپاسوز-تۋرىنىڭ قاتىسۋشىلارى، ازىرەت سۇلتان مەملەكەتتىك تاريحي-مادەني مۇراجاي-قورىعىن دا ارالاپ كوردى.
ايتا كەتەيىك، قر سىرتقى ىستەر مينيسترلىگى قازاقستانداعى ساياسي جانە ەكونوميكالىق وقيعالاردى جاريالاۋ ءۇشىن شەتەلدىك تىلشىلەردىڭ ءباسپاسوز-تۋرلارىن تۇراقتى تۇردە ۇيىمداستىرىپ وتىرادى.
سونىمەن قاتار، «جاھاندىق الەمدەگى قازىرگى قازاقستاندىق مادەنيەت» جوباسى شەڭبەرىندە ءوتىپ جاتقان بۇل ءتورتىنشى ءباسپاسوز تۋرى ءتۋريزمدى دامىتۋعا جانە جالپى قازاقستاننىڭ دامىپ كەلە جاتقان مەملەكەت رەتىندەگى وڭ ءيميدجىن قالىپتاستىرۋعا اتسالىسادى.

 

سوڭعى جاڭالىقتار