15 تامىز, 16:52 421 0 جاڭالىقتار Túrkistan Gazeti

پاۆلوداردا ءوز اناسىن ۇرعان كەلىنشەك 10 تاۋلىككە قامالدى

پاۆلودار قالاسى پب وڭتۇستىك پب پوليتسەيلەرى وتباسىلىق جانجال شىعارۋشى ەسەبىندە تۇرعان 36 جاستاعى قالا تۇرعىنىن تۇرعىلىقتى مەكەنجايى بويىنشا تەكسەرۋ كەزىندە ءوز اناسىن سوققىعا جىعۋ فاكتىسىن انىقتادى، دەپ حابارلايدى pavlodarnews.kz.

وبلىستىق پد ءباسپاسوز قىزمەتىنىڭ حابارلاۋىنشا، بۇل ايەل بۇعان دەيىن قوعامدىق ورىنداردا ىشىمدىك ىشكەنى ءۇشىن اكىمشىلىك جاۋاپكەرشىلىككە تارتىلعان. - اتالعان فاكتىگە قاتىستى قر اقبتك 73-بابى 2-ءبولىمى بويىنشا اكىمشىلىك حاتتاما تولتىرىلدى جانە سوتقا جولداندى. اناسىن سوققىعا جىققان قىزىنا قاتىستى ۋچاسكەلىك پوليتسيا ينسپەكتورىنىڭ قولداۋحاتىمەن جانە پاۆلودار قالاسىنىڭ مامانداندىرىلعان سوتىنىڭ شەشىمىمەن ءجۇرىس-تۇرىسىنا قاتاڭ تالاپ قويىلدى جانە 10 تاۋلىككە قاماۋعا الۋ تۇرىندەگى اكىمشىلىك جازاعا تارتىلدى.

7-13 تامىز ارالىعىندا پاۆلودار وبلىسى اۋماعىندا وتكىزىلگەن «تۇرمىس» رەسپۋبليكالىق جەدەل-پروفيلاكتيكالىق شاراسىن (جپش) وتكىزۋ بارىسىندا 766 قۇقىقبۇزۋشىلىق تىركەلدى. ىشكى ىستەر ورگاندارىندا ەسەپتە تۇرعان 3450 ادام تەكسەرىلدى، 706-سىنا قاتىستى قورعاۋ ۇيعارىمدارى شىعارىلدى. سوت 236 ادامعا ءجۇرىس-تۇرىستارىنا قاتىستى ەرەكشە تالاپ قويدى. 763 تۇلعا اكىمشىلىك جاۋاپكەرشىلىككە تارتىلدى: قر اقبك 73-بابى بويىنشا 138 قۇقىقبۇزۋشى (قوعامدىق ورىندا ىشىمدىك ءىشۋ، سونىمەن قاتار ىشىمدىككە ماس كۇيىندە ءجۇرۋ), قر اقبك 440 – بابى بويىنشا 363 ادام (قوعامدىق ورىنداردا ءىشۋ جانە ماس كۇيىندە بولۋ), قر اقبك 200-بابى بويىنشا 11 قۇقىقبۇزۋشى (قر ىشىمدىك ونىمدەرىن ساتۋ تالاپتارىن ساقتاماۋ), قر اقبك 127-بابى بويىنشا 25 ادام (بالالاردى تاربيەلەۋ بويىنشا اتا-انالارمەن جانە زاڭدى وكىلدەرمەن مىندەتتەردى ورىنداماۋ). سونداي-اق، ءىىو ەسەبىنە 414 ادام قويىلدى. پوليتسيا قىزمەتكەرلەرىمەن 517 قولايسىز وتباسى تەكسەرىلىپ، 26 وتباسى ەسەپكە الىندى.

سوڭعى جاڭالىقتار