13 تامىز 2019, 17:18 437 0 جاھان Túrkistan Gazeti

پرەزيدەنت بۇۇ باس حاتشىسىنا كوڭىل ايتۋ جەدەلحاتىن جولدادى

قازاقستان پرەزيدەنتى قاسىم-جومارت توقاەۆ بۇۇ باس حاتشىسى انتونيۋ گۋتەرريشكە كوڭىل ايتۋ جەدەلحاتىن جولدادى. مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان بەنگازيدەگى جارىلىس سالدارىنان قازا تاپقان بۇۇ-نىڭ ليۆياداعى ميسسياسى قىزمەتكەرلەرىنىڭ وتباسىلارى مەن جاقىندارىنا كوڭىل ايتتى. بۇل تۋرالى اقوردانىڭ ءباسپاسوز قىزمەتى حابارلادى.

«بۇل زۇلىمدىققا تولى لاڭكەستىك شابۋىل ىزگىلىك پەن جاناشىرلىق قۇندىلىقتارىن دارىپتەيتىن قاسيەتتى مۇسىلمان مەرەكەسى – قۇربان ايت قارساڭىندا جاسالعانى اسا جان تۇرشىگەرلىك جاعداي بولىپ تابىلادى. الەمدىك قاۋىمداستىقتىڭ زورلىق-زومبىلىققا قارسى بىرلەسكەن جانە باتىل كۇرەسكە شاقىراتىن ۇندەۋىن بەرىك قولداي وتىرىپ، قازاقستان لاڭكەستىكتىڭ ەشقانداي ءتۇرى مەن كورىنىسىن قابىلدامايدى. ءبىز بۇۇ قىزمەتكەرلەرىنىڭ جاھاندىق ۇيىمنىڭ يگى ماقساتتارىنا قول جەتكىزۋ جولىنداعى قىزمەتىن جوعارى باعالايمىز»، – دەلىنگەن جەدەلحاتتا.

سوڭعى جاڭالىقتار