9 تامىز, 15:23 394 0 قاۋىپسىزدىك دينارا مىڭجاسارقىزى

بىشكەكتەگى قاقتىعىس: 52 ادام زارداپ شەكتى

   كەشە، 8 تامىزدا، بىشكەك پەن شۋ وبلىستىق اۋرۋحاناسىنا 52 زارداپ شەككەن ادام كەلگەن. بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز ورتالىعى ءمالىم ەتتى، - دەپ حابارلايدى 24.kg سايتى. 

10 ادام اۋرۋحاناعا جاتقىزىلدى. قازىر اۋرۋحانالاردا 20 ادام ەم الىپ جاتىر. ۆەدومستۆونىڭ اقپاراتى بويىنشا، 7-8 تامىزدا زارداپ شەككەندەردەردى قابىلداعان بارلىق اۋرۋحانا، شۋ وبلىسىنىڭ جەدەل جاردەم بريگاداسى مەن بىشكەك شۇعىل مەديتسينا ورتالىعى ءدارى-دارمەك جانە مەديتسينالىق قۇرىلعىلارمەن تولىق قامتاماسىز ەتىلگەن.  ء"دارى-دارمەكپەن قامتاماسىز ەتۋ ماسەلەسى دەنساۋلىق ساقتاۋ ءمينيسترىنىڭ باقىلاۋىندا بولدى، بۇل تۋرالى دەنساۋلىق ساقتاۋ مينيسترلىگى شتابىنىڭ زارداپ شەككەندەرگە ساپالى ءارى ۋاقىتىلى مەديتسينالىق كومەك كورسەتۋ جونىندە وتىرىسىندا ايتىلدى", - دەدى ۆەدومستۆودا.

بۇعان دەيىن مينيسترلىك قوي-تاشتاعى ەكى كۇن قاقتىعىستان سوڭ اۋرۋحاناعا 98 ادام جۇگىنگەن.  ەستەرىڭىزگە سالساق، 7 تامىزدا قىرعىزستاندا اتامباەۆتى ۇستاۋ وپەراتسياسى ءجۇرىپ جاتقانى حابارلانعان بولاتىن. ەكس-پرەزيدەنتتىڭ رەزيدەنتسياسى اينالاسىندا تىكۇشاق ۇشىپ جۇرگەنى ايتىلعان. جۋرناليستەردىڭ مالىمەتىنشە، اتامباەۆتىڭ جاقتاستارى كىرگەن كيىز ۇيگە جارىق-دىبىس گراناتاسى لاقتىرىلعان.  كەيىنىرەك قىرعىزستاننىڭ ەكس-پرەزيدەنتى المازبەك اتامباەۆ مالىمدەمە جاساعان بولاتىن. "اتامباەۆتىڭ اۋزىن جابۋ ءۇشىن بيلىك ءوز حالقىنا وق اتۋعا دايىن. قاراپايىم حالىققا، قىرعىزستاندىقتارعا العىسىم شەكسىز، ولار جينالىپ، مەنى ۇستاپ اكەتۋىنە جول بەرمەدى. بيلىكتەگىلەرگە ويلانۋ كەرەك، ءبىز تىزەرلەپ ءجۇرىپ ءومىر سۇرەتىن حالىق ەمەسپىز", - دەگەن ەدى ەكس-پرەزيدەنتى مالىمدەمەسىندە. ال كەشە، 8 تامىزدا المازبەك اتامباەۆ ۇستالعان ەدى. وعان دەيىن اتامباەۆتىڭ ۇيىنە باسىپ كىرۋ وپەراتسياسىنىڭ قايتا باستالعانى حابارلانعان بولاتىن.

سوڭعى جاڭالىقتار