29 شىلدە, 14:06 623 0 ءوندىرىس Túrkistan Gazeti

تۇركىستان ونىمدەرى-2019

2019 جىلدىڭ 27 شىلدە كۇنى العاش رەت تۇركىستان قالاسى «ەسىم حان» الاڭىندا تۇركىستان وبلىسىنىڭ «تۇركىستان ونىمدەرى-2019» ۇزدىك تاۋارلارىنىڭ كورمە-جارمەڭكەسى ءوتتى.

كورمە-جارمەڭكەنىڭ ماقساتى – جەرگىلىكتى تاۋاروندىرۋشىلەردى قولداۋ.

ءىس شاراعا تۇركىستان وبلىسى اكىمى ورىنباسارى مەيرجان مىرزاليەۆ، تۇركىستان وبلىسى كاسىپكەرلەر پالاتاسى ديرەكتورى دىنمۇحامەد ابساتتاروۆ، وڭىرلىك كەڭەس توراعاسى قاينار اباسوۆ جانە وبلىستىق ءماسليحات دەپۋتاتتارىمەن باسقا دا وڭىرلەردىڭ كاسىپكەرلەرى دە قاتىستى.

كورمە-جارمەڭكەدە ايماقتا وندىرىلگەن جۇزدەگەن ازىق-تۇلىك، فارماتسەۆتيكا، ماشينا جاساۋ، حيميا، جەڭىل ونەركاسىپ، اۋىل شارۋاشىلىعى جانە قۇرىلىس سالالارىندا وبلىسىنىڭ 100-دەن استام وندىرۋشىلەرى (ولاردىڭ 80-نەن استامى وڭىرلەردەن) جانە ەكى مىڭنان استام قازاقستاننىڭ باسقا قالالارىن دا كەلۋشىلەر قاتىستى. كورمە-جارمەڭكەگە العاش رەت كوپتەگەن جاڭا كومپانيالار، ولاردىڭ اراسىندا «جك «حىۆاەۆا» (كيىمدەر), «جشس «قۋانىش-كەرەمەت» (مينەرالدى سۋ) «Marai E7 Group» جشس (مەديتسينالىق بۇيىمدار), «تاعاي اتا» جشس (كالتسيلەنگەن تۇز ءوندىرىسى), «Uly dala gurty» جك (قۇرت ءوندىرىسى) جانە ت.ب. ءوز تاۋارلارىن ۇسىندا.

وسى ءىس-شارامەن قاتار «قازاقستاننىڭ ۇزدىك تاۋارى»  بايقاۋ-كورمەسى ءوتتى.

ءىرى كومپانيالار عانا ەمەس، سونداي-اق شاعىن جانە ورتا بيزنەس وكىلدەرى دە وزدەرىنىڭ ونىمدەرىن كوپشىلىككە ۇسىندى.

تاۋەلسىز ساراپشىلار-اۋديتورلاردىڭ، كاسىپكەرلىك اسسوتسياتسيالاردىڭ، سالالىق قوعامدىق بىرلەستىكتەردىڭ جانە جەرگىلىكتى دەڭگەيدەگى مەملەكەتتىك ورگانداردىڭ وكىلدەرىنەن قۇرىلعان ساراپتاما كوميسسياسى ەكسپوزيتسيالارىن قاراستىرىپ، ءۇش نوميناتسيا بويىنشا ديپلومانتاردى ىرىكتەدى:

- «حالىق تۇتىناتىن ۇزدىك تاۋارلار» نوميناتسياسى بويىنشا مەديتسينالىق بۇيىمدار شىعاراتىن «Marai E7 Group» جشس، سايرامدىق كيىم تىگەتىن «التىن ادام» كومپانياسى، جيhاز شىعاراتىن «ازيا برەند» جشس يە بولدى.

-«وندىرىستىك ماقساتتاعى ۇزدىك تاۋارلار» نوميناتسياسى بويىنشا «كەنتاۋ ترانسفورماتور زاۋىتى»، «ەلاستوپوليمەت» جشس جانە كىرپىش پەن ءجىپ شىعاراتىن «تمستروي21» كومپانياسى جەڭىمپاز اتاندى.

-«ۇزدىك ازىق-تۇلىك تاۋارلارى» نوميناتسياسى بويىنشا سايرامدىق «Dala-Fruit.kz» كومپانياسى، سپك «حاميت» جانە «بالمۇزداق» كومپانيالارى ماراپاتتالدى.

قاتىسۋشىلاردى باعالاۋدىڭ نەگىزگى كريتەريلەرى ءونىمنىڭ ساپاسى مەن باسەكەگە قابىلەتتىلىگى بولدى. اتالعان جەڭىمپازدار جىلدىڭ سوڭىندا نۇر-سۇلتان قالاسىندا وتەتىن «قازاقستاننىڭ ۇزدىك تاۋارى» رەسپۋبليكالىق بايقاۋ-كورمەسىدە قاتىسۋ قۇقىعىن يە بولدى.

سونىمەن قاتار، وبلىستىق كاسىپكەرلەر پالاتاسى ءوزىنىڭ 6 نوميناتسيالارمەن ەڭ ۇزدىك كومپانيالاردى تاڭدادى:

«الەۋمەتتىك جاۋاپتى بيزنەس» نوميناتسياسى بويىنشا «ورداباسى قۇس»، «ەڭ ۇزدىك يننوۆاتسيالىق جوبا»- «Enki جەتىساي» جك، «ۇزدىك تاۋارلىق قاپتاما»- «WoodWork Nadir»،  «جىل برەندى»-«بورتە ميلكا» كومپانياسى، «بەلسەندى كاسىپكەر»- «ورداباسى ەشكى ءسۇت ونىمدەرى» كووپەراتيۆىنە بۇيىردى.

«ەڭ ۇزدىك ايەل-جۇمىس بەرۋشى» نوميناتسياسى بويىنشا دا ايەلدەر بيزنەسىنە قولداۋ كورسەتىلىپ، بۇل جۇلدەنى «حىۆاەۆا» تىگىن فابريكاسى جەڭىپ الدى.

كەلۋشىلەرگە ءۇشىن  تۇركىستاندىق وندىرۋشىلەردەن ءتۇرلى ونىمدەر، جەڭىلدىكتەر، لوتەرەيا ۇتىسى ويناتىلىپ،  كونتسەرتتىك باعدارلاماعا ۇلاستى.

سوڭعى جاڭالىقتار