3 شىلدە 2019, 17:52 723 0 ىشكى ساياسات Túrkistan Gazeti

تۇركىستان قالاسىنا جاڭا اكىم تاعايىندالدى

قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن جانە تۇركىستان وبلىسىنىڭ اكىمى ومىرزاق شوكەەۆتىڭ وكىمىمەن تۇركىستان وبلىسى تۇركىستان قالاسىنىڭ اكىمى بولىپ راشيد اباتۇللاۇلى ايۋپوۆ تاعايىندالدى. بۇل تۋرالى تۇركىستان وبلىسى اكىمىنىڭ ءباسپاسوز قىزمەتى حابارلادى.

راشيد اباتۇللاۇلى 1981 جىلى 4 ناۋرىزدا وڭتۇستىك قازاقستان وبلىسى كەنتاۋ قالاسىندا تۋعان، قازاق، ءبىلىمى جوعارى.

شىمكەنت ۋنيۆەرسيتەتى، شىمكەنت الەۋمەتتىك-پەداگوگيكالىق ۋنيۆەرسيتەتى مەن اكادەميالىق يننوۆاتسيالىق ۋنيۆەرسيتەتىن بىتىرگەن، ماماندىعى بويىنشا بىلىكتىلىگى - ينفورماتيكا باكالاۆرى، مەملەكەتتىك باسقارۋ باكالاۆرى، زاڭگەر. "بولاشاق" باعدارلاماسىنىڭ تۇلەگى، ۇلىبريتانيادا پاتشايىم ماريانىڭ لوندون ۋنيۆەرسيتەتىن (Queen Mary University of London) اياقتاعان، مەملەكەتتىك باسقارۋ ماگيسترى. ەڭبەك جولىن 2000 جىلى وڭتۇستىك قازاقستان وبلىسىنىڭ كەنتاۋ قالاسىندا «داۋلەت» وندىرىستىك كووپەراتيۆىنىڭ ينجەنەر-وپەراتورى رەتىندە باستاعان.

2004-2009 جىلدارى قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ وقو بويىنشا اقپارات جانە سىناق ورتالىعىنىڭ وپەراتورى، جەتەكشى ساراپشىسى، قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ اقپارات جانە سىناق ورتالىعى ديرەكتورىنىڭ ورىنباسارى جانە ديرەكتورى، قازاقستان رەسپۋبليكاسى مەملەكەتتىك قىزمەت ىستەرى اگەنتتىگى توراعاسىنىڭ كومەكشىسى بولىپ قىزمەت اتقارعان. 2009-2015 جىلدارى ارالىعىندا قازاقستان رەسپۋبليكاسىنىڭ پرەمەر-ءمينيسترى كەڭسەسىنىڭ مەملەكەتتىك قىزمەت جانە كادر جۇمىسى ءبولىمىنىڭ سەكتور مەڭگەرۋشىسى، قارجى-شارۋاشىلىعى جانە كادر جۇمىسى ءبولىمىنىڭ باس كونسۋلتانتى، قازاقستان رەسپۋبليكاسى پرەمەر-ءمينيسترى كەڭسەسى باسشىلىعى حاتشىلىعىنىڭ باس كونسۋلتانتى لاۋازىمدارىندا ەڭبەك ەتكەن.

2015-2018 جىلدارى ارالىعىندا شىمكەنت قالاسى اكىمىنىڭ اپپارات باسشىسى، قازاقستان رەسپۋبليكاسى ۇكىمەتىندەگى "نۇر وتان" پارتياسىنىڭ وكىلى، "نۇر وتان" پارتياسى ورتالىق اپپاراتى اقپاراتتىق تەحنولوگيالار ورتالىعىنىڭ ديرەكتورى، شىمكەنت قالاسى اكىمىنىڭ كەڭەسشىسى لاۋازىمدارىن اتقارعان. 2018 جىلدىڭ قىركۇيەك ايىنان SHYMKENT الەۋمەتتىك-كاسىپكەرلىك كورپوراتسياسى اكتسيونەرلىك قوعامى باسقارما توراعاسى بولىپ قىزمەت اتقارىپ كەلگەن.

سوڭعى جاڭالىقتار