27 ماۋسىم 2019, 14:44 737 0 جاڭالىقتار Turkystan Support

باق وكىلدەرى ماراپاتتالدى

28 ماۋسىم – اقپارات جانە بايلانىس قىزمەتكەرلەرى مەرەكەسى قارساڭىندا ءبىر توپ باق قىزمەتكەرى ماراپاتتالدى. مەملەكەت باسشىسى قاسىم-جومارت توقاەۆ ءراسىم كەزىندە سىيلىق لاۋرەاتتارى مەن گرانت يەلەرىن، العىس جاريالانعان شىعارماشىلىق ۇجىمداردى جانە بارلىق جۋرناليستەر قاۋىمىن كەلە جاتقان كاسىبي مەرەكەلەرىمەن قۇتتىقتادى.

سونىمەن، «جاس وركەن» جشس باس ديرەك­تورى جۇسىپبەك قورعاسبەككە، «كومسومولسكايا پراۆدا – قازاقستان» گازەتىنىڭ باس رەداكتورى – ۆيكتور كيانيتساعا، «انا ءتىلى» گازەتىنىڭ باس رەداكتورى – جاناربەك اشىمجانعا، «استانا» تەلەارناسىنىڭ رەداكتورى – جاينا جاقسىلىقوۆاعا مەملەكەت باسشىسىنىڭ وكىمىمەن سىيلىق تاعايىندالدى.

گرانتتار «حابار 24» تەلەارناسىنىڭ ءتىل­شىسى – راۋان مىڭباەۆقا، «Qazaqstan» تەلەارناسىنداعى «ماسەلە» تالدامالىق باعدارلاماسىنىڭ جۇرگىزۋشىسى نارتاي سارسەنعاليەۆكە، «قازاقستان» تەلەراديوكورپوراتسياسى ماڭعىستاۋ وبلىستىق فيليالىنىڭ شەف-رەداكتورى اسەم سارتباەۆاعا تاپسىرىلدى. «ەگەمەن قازاقستان»، «ەكس­پرەسس ك»، «زناميا ترۋدا» جانە «شالقار» راديوسى شىعارماشىلىق ۇجىمدارىنا قازاقستان رەسپۋبليكاسى پرەزيدەنتىنىڭ العىسى جاريالاندى.

قاسىم-جومارت توقاەۆتىڭ العىس حاتتارىن «ايقىن» گازەتىنىڭ باس رەداكتورى نۇرتورە ءجۇسىپ، «حابار» تەلەارناسى تالدامالىق باعدارلامالار ءبولىمىنىڭ شەف-رەداكتورى الەكساندر ترۋحاچەۆ، «Qazaq­stan» تەلەارناسىنىڭ جۇرگىزۋشىلەرى قىمبات دوسجان جانە دانا نۇرجىگىت، «حابار 24» تەلەارناسىنىڭ شەف-رەداكتورى شالقار قوجاەۆ، «Qazaqstan» تەلەارناسىنىڭ اقپاراتتىق-ساراپتامالىق باعدارلامالار ديرەكتسياسىنىڭ ديرەكتورى ەرلان اتامباي، «ليتەر» گازەتى باس رەداكتورىنىڭ ورىنباسارى جاننا ويشىباەۆا، «كتك» تەلەارناسىنىڭ باس ديرەكتورى ەلميرا دجاميلوۆا، سونداي-اق،  «قازاقپارات» حاا جانە «جەتىسۋ» تەلەارناسى الدى.

«تۇركىستان-اقپارات»

سوڭعى جاڭالىقتار