25 ماۋسىم, 16:26 647 0 ادەبيەت "تۇركىستان" گازەتىنىڭ اۆتورلارى

كوكبورى جەبەگەن جانىبەك

حالىق اڭىزىندا جانىبەككە تۇركىنىڭ كوكبورىسى دارىعان دەگەن وقيعا بار.

بالا كەزىندە ناعاشىسىنىڭ ۇيىندە جۇرگەن جانىبەك بىردە دالادا ۇيىقتاپ قالادى. ۋاقىتىندا كەلمەگەن سوڭ ارتىنان ىزدەپ بارعان بالالار جانىبەكتى ەكى قاسقىر جەپ جاتىر ەكەن دەپ شۋلاپ كەلەدى. ونى ەستىگەن ۇلكەندەر اتقا قونىپ، بالالاردىڭ باستاۋىمەن جانىبەك جاتقان جەرىنە كەلسە، ۇيىقتاپ جاتقان جانىبەكتىڭ باسىندا ءبىر قاسقىر، اياق جاعىندا ءبىر قاسقىر وتىر ەكەن. مۇنى كورگەن ۇلكەندەر « بۇل اسقان باتىر بولادى » –ەكەن دەپ قۋانىپ قايتادى.

جانىبەك شىنىندا دا اسقان باتىر بولىپ ەرجەتەدى. ول تۋرالى ايتىلاتىن اڭىزدىڭ بىرىندە قازاق–قالماقتىڭ ءبىر جولعى سوعىسىندا قالماق نويانى «جەپە-جەك، جەكپە-جەك» –دەپ ايقاي سالىپ مايدانعا شىعادى. قازاق جاعىنان جاس باتىر جانىبەك شىعادى. سوندا الگى كىسى جەيتىندەي بولىپ تۇرعان قالماق نويانى ساسقالاقتاپ ارتىڭداعى قالىڭ قولىنا شاۋىپ بارادى دا: «مىنا باتىر تەگىن ەمەس، سوعىسپاي كەلىسىمگە كەلەلىك»- دەيدى. نوياننىڭ ايتقانى بولادى.

سوعىس بولماي كەلىسىم بولادى. سوندا تارتۋ تارالعىسىن الۋعا قازاق قولىنا كەلگەن الگى نوياننان قابانباي: «باتىر، باعانا مايدانعا جاراعان بۋراداي بولىپ شابىنىپ، ەكپىنمەن شىعىپ ەدىڭ. ءبىزدىڭ باتىرىمىزدى كورگەن سوڭ جىنىڭ نەگە ۇشتى ؟ سوعىسقالى شىعىپ، ساۋعا بەرگەن قالماق نويانىن ءبىرىنشى رەت كورۋىم. بۇل قالاي ؟»-دەيدى. سوندا الگى قالماقتىڭ نويانى: «ءسىزدىڭ باتىردىڭ ەكى يىعىندا ەكى قاسقىر وتىر ەكەن. الا المايتىنىمدى جانە جولىم بولمايتىنىن سودان ءبىلدىم، سىزدەردى ەمەس، ارتىمنان ەرگەن ەلىمدى، ءوزىمدى ايادىم. كوكبورىسى موينىنا مىنگەن باتىرعا قارسى اجالعا ايداپ سالعىم كەلمەيدى، وزىمە دە ءومىر كەرەك »-دەگەن ەكەن.

 

                                                                                           جاراس نۇربولۇلى

سوڭعى جاڭالىقتار