3 ءساۋىر 2019, 16:53 360 0 زاڭ احمەت ومىرزاق

الاتاۋ اۋداندىق سوتىندا ستۋدەنتتەرمەن كەزدەسۋ ءوتتى

الماتى قالاسى الاتاۋ اۋداندىق سوتىنىڭ سۋدياسى م.نۋربەكوۆ «تۇران» كوللەدجىنىڭ قۇقىقتانۋ ءبولىمىنىڭ 3-ءشى كۋرس ستۋدەنتتەرىمەن كەزدەسiپ، تاجىريبەسىمەن ءبولىسىپ، سوت جۇيەسىنىڭ قىزمەتىمەن جانە جاڭاشىلدىقتارىمەن تانىستىردى.

اۋداندىق سوت سۋدياسى مارات امانگەلدىۇلى ەلەكتروندىق سوت جۇيەسىنىڭ تيىمدىلىگىن، سوت قىزمەتىن جاقسارتۋ ماقساتىندا جاسالىپ جاتقان ءىس-شارالاردىڭ بارىسىن ءتۇسىنىدىرىپ ءوتتى. سۋديانىڭ ايتۋىنشا، ەلەكتروندىق قىزمەت تۇرلەرى ىسكە قوسىلعان سوڭ سوت قىزمەتى ءبىرشاما جاقسارا تۇسكەنىن تىلگە تيەك ەتتى.

سونىمەن قاتار، سۋديا م.نۋربەكوۆ 2019 جىلعى 21 قاڭتاردا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەنشىك قۇقىعىن قورعاۋدى كۇشەيتۋ، تورەلىك، سوت جۇكتەمەسىن وڭتايلاندىرۋ جانە قىلمىستىق زاڭنامانى ودان ءارى ىزگىلەندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭى قابىلدانعانىن ايتىپ، سوتتاعى جۇكتەمەنىڭ ءبىرشاما ازايعانىن ءسوز ەتتى.

سۋديا م.نۇربەكوۆ ستۋدەنتتەرگە ەڭبەك جولىنداعى قيىندىقتارى مەن قىزىق وقيعالارىن ايتا وتىرىپ، زاڭ سالاسىنىڭ ماڭىزى، سۋديانىڭ جاۋاپكەرشىلىگى جايلى اڭگىمەلەدى.

ۇيىمداستىرعان كەزدەسۋدەن ءبىرشاما قىزىقتى اقپارات جيناپ، سوت تىنىسىمەن تانىسىپ، سۋدياعا قويىلعان ساۋالدارىنا تولىق جاۋاپ العان ستۋدەنتتەر العىستارىن ايامادى.

سوڭعى جاڭالىقتار