15 ءساۋىر 2019, 10:13 791 0 سىرتقى ساياسات Túrkistan Gazeti

مەملەكەت باسشىسى وزبەكستاندا

15 ءcاۋىر – «TÚRKISTAN» weekly. قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ مەملەكەتتىك ساپارمەن وزبەكستان رەسپۋبليكاسىنا باردى.

جەكسەنبى كۇنى قازاقستان پرەزيدەنتىنىڭ ۇشاعى ي.كارىموۆ اتىنداعى تاشكەنت حالىقارالىق اۋەجايىنا قوندى.

مەملەكەت باسشىسىن وزبەكستاننىڭ پرەمەر-ءمينيسترى ابدۋللا اريپوۆ، وزبەكستاننىڭ سىرتقى ىستەر ءمينيسترى ءابدۋلازيز كاميلوۆ جانە تاشكەنت قالاسىنىڭ اكىمى دجاحونگير ارتىكحودجاەۆ كۇتىپ الدى.

اقوردا ءباسپاسوز قىزمەتىنىڭ اقپاراتىنا سايكەس، ساپار بارىسىندا ەكى ەلدىڭ پرەزيدەنتتەرى ساۋدا-ەكونوميكالىق، الەۋمەتتىك-گۋمانيتارلىق جانە كولىكتىك-ترانزيتتىك ىنتىماقتاستىقتىڭ ەكىجاقتى ءوزارا ءىس-قيمىلىنىڭ وزەكتى ماسەلەلەرىن، سونىمەن قاتار وڭىرلىك جانە حالىقارالىق كۇنتارتىپتىڭ باستى تاقىرىپتارىن جان-جاقتى تالقىلايتىن بولادى.

ەكىجاقتى كەزدەسۋ بارىسىندا بىرقاتار ماڭىزدى قۇجاتتارعا قول قويۋ دا كوزدەلگەن. مۇنان بولەك، قاسىم-جومارت توقاەۆ پەن شاۆكات ميرزيوەۆ  وزبەكستانداعى قازاقستان جىلىنىڭ رەسمي اشىلۋ سالتاناتىنا قاتىسادى.

سوڭعى جاڭالىقتار