8 ءساۋىر 2019, 12:36 1019 0 جاڭالىقتار Túrkistan Gazeti

قاجىمقان ءماسىموۆ ومىردەن ءوتتى

8 ءcاۋىر – «TÚRKISTAN» weekly. بۇگىن 80 جاسقا قاراعان شاعىندا ۇلتتىق اگروونەركاسىپ پالاتاسىنىڭ باسشىسى قاجىمقان ءماسىموۆ قايتىس بولدى.

قاجىمقان قاسىمۇلى 1939 جىلى 18 ساۋىردە تالدىقورعان قالاسىندا تۋعان. 2016 جىلى «قازاقستان ۇلتتىق اگروونەركاسىپ پالاتاسى» زاڭدى تۇلعالار جانە جەكە كاسىپكەرلەر قاۋىمداستىعى قۇرىلتايشىلارىنىڭ جالپى جينالىسىندا ورتالىق كەڭەس توراعاسى ا.ج. يگىباەۆتىڭ ۇسىنىسىمەن «قازاقستان ۇلتتىق اگروونەركاسىپ پالاتاسىنىڭ» پرەزيدەنتى بولىپ سايلانعان ەدى. سول جىلداردان بەرى اتالعان سالادا ەلەۋلى ەڭبەك ەتتى.

1969 جىلى ومبى تەمىر جول ينستيتۋتىن ءبىتىردى;

1974 جىلى پاۆلودار يندۋستريالدى ينستيتۋتىن ءبىتىردى;

1989 جىلى الماتى دەنە شىنىقتىرۋ ينستيتۋتىن ءبىتىردى.

قازاق تۋريزم جانە سپورت اكادەمياسىنىڭ سپورتتىق مەديتسينا كافەدراسىنىڭ قۇرمەتتى پروفەسسورى;

«اقپاراتتىق قوعامدى دامىتۋداعى ەڭبەگى ءۇشىن»، «مەنەدجەردىڭ مەدالى» جانە «قازاقستاننىڭ داڭقى» جانە «ەكونوميكا ماقتانىشى» جەكە نومينالدى وردەندەرىمەن ماراپاتتالعان، سونداي-اق ە.ۆ.، «مەديتسينا جانە فارماتسيا سالاسىنداعى حالىقارالىق Socrates Award» اتاعىنا يە بولدى.

2008 جىلى رەسەي فەدەراتسياسى اكادەمياسىنىڭ تولىق مۇشەسى بولىپ سايلاندى.

79 جاستاعى قاجىمقان ءماسىموۆ - قازاقستان ۇلتتىق قاۋىپسىزدىك كەڭەسىنىڭ توراعاسى كارىم ءماسىموۆتىڭ اكەسى.

اگروونەركاسىپ پالاتاسى ءباسپاسوز قىزمەتىنىڭ دەرەگىنشە، قاجىمقان ءماسىموۆ ء"ماسىموۆ ساۋىقتىرۋ ورتالىعى" جەكە كومپانياسىنىڭ ديرەكتورى، قازاقستان يوگا اسسوتسياتسياسىنىڭ پرەزيدەنتى قىزمەتىن اتقاردى.

"تۇركىستان-اقپارات"

سوڭعى جاڭالىقتار