4 ءساۋىر 2019, 12:35 838 0 جاھان اياۋلىم سالىقجانوۆا

الجير پرەزيدەنتى وتستاۆكاعا كەتتى

ەلدى 20 جىل باسقارىپ كەلگەن الجير پرەزيدەنتى ابدەلازيز بۋتەفليكا وتستاۆكاعا كەتتى. بۇل تۋرالى ەلدىڭ مەملەكەتتىك بۇقارالىق اقپارات قۇرالدارى حابارلادى. الجير كونستيتۋتسياسىنا سايكەس، بۋتەفليكا قىزمەتىنەن كەتكەننەن كەيىن پارلامەنتتىڭ جوعارعى پالاتاسىنىڭ سپيكەرى ابدەلكادەر بەنسالاح مەملەكەتتى ۋاقىتشا باسقارادى. زاڭ بويىنشا، 90 كۇننىڭ ىشىندە ەلدە كەزەكتەن تىس پرەزيدەنت سايلاۋى ۇيىمداستىرىلۋى ءتيىس.

بيىل اقپاندا 82 جاستاعى الجير پرەزيدەنتى ابدەلازيز بۋتەفليكا ساۋىردە وتەتىن سايلاۋعا قاتىساتىنىن جاريالاعان. وسىدان كەيىن ەلدە جاستار جاپپاي نارازىلىققا شىعىپ، بۋتەفليكانىڭ بيلىكتەن كەتۋىن تالاپ ەتىپ جاتىر. 2 ناۋرىزدا مىڭداعان ادامنىڭ نارازىلىعىن پوليتسيا كۇشپەن باسۋعا تىرىسقان. پوليتسيامەن قاقتىعىستا 180-گە جۋىق ادام زارداپ شەككەن.

بۋتەفليكا ناۋرىز ايىندا پرەزيدەنت سايلاۋىنا بەسىنشى مارتە ءتۇسۋ جوسپارىنان اينىپ، سايلاۋدى ساۋىردەن جىل سوڭىنا اۋىستىرعان بولاتىن. بۋتەفليكا بيلىككە ەلدەگى ازاماتتىق سوعىس كەزىندە، 1999 جىلى كەلدى. ول الجيردەگى ازاماتتىق سوعىستى توقتاتىپ، ەلدە بەيبىتشىلىك ورناتتى. قازىر نارازىلىققا شىققانداردىڭ اراسىندا «پرەزيدەنتكە قارسى ەمەسپىز، ول الجير ءۇشىن كوپ ءىس تىندىردى. بىراق قازىر پرەزيدەنت بولۋعا دەنساۋلىعى كەلمەيدى»، –دەيتىندەر دە بار.

سوڭعى جاڭالىقتار