6 اقپان 2019, 22:33 1097 0 بيزنەس دينارا مىڭجاسارقىزى

250 يمپورت تاۋار ەندى وزىمىزدە وندىرىلەدى

قازاقستانعا شەتەلدەن يمپورتتالاتىن 250 تاۋار ەل ىشىندە وندىرىلەدى. بۇل تۋرالى قر يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك مالىمدەدى.

ونىڭ تۇسىندىرۋىنشە، ماتا ءوندىرىسى، كيىم مەن اياق كيىم، تىڭايتقىشتار، لاك بوياۋلارى، تەرەزە، ەسىك جانە جيھاز وندىرىسىنە قولداۋ كورسەتىلمەك.  «مەملەكەت باسشىسىنىڭ تاپسىرماسىمەن بولىنەتىن 600 ملرد تەڭگەنىڭ 400 ملرد تەڭگەسى وڭدەۋ ونەركاسىبىنە جىبەرىلەدى. بۇل قازاقستاندىقتار كۇندە پايدالاناتىن شامامەن 250 ونەركاسىپ تاۋارلارىنىڭ ءوندىرىسىن ىسكە قوسۋعا مۇمكىندىك بەرەدى. قازىر ول تاۋارلاردىڭ 82% يمپورتقا تيەسىلى»، - دەدى ج. قاسىمبەك ۇكىمەت ۇيىندە وتكەن ءباسپاسوز ءماسليحاتىندا. ونىڭ ايتۋىنشا، جاڭا قارجىلاندىرۋ اتالعان تاۋارلار بويىنشا يمپورت ۇلەسىن 50% دەيىن ازايتۋعا سەپتىگىن تيگىزەدى. ايتا كەتەيىك، 2018 جىلدىڭ 5 قازانىندا پرەزيدەنت نۇرسۇلتان نازارباەۆ قازاقستان حالقىنا ارنالعان جولداۋىندا حالىق تۇتىناتىن تاۋارلاردى ەلدە ءوندىرىپ، «قاراپايىم زاتتار ەكونوميكاسىن» دامىتۋ ءۇشىن كاسىپورىندارىمىزعا كومەكتەسۋدى ايتقان ەدى. ول ۇكىمەتكە وڭدەۋ ونەركاسىبى مەن شيكىزاتتىق ەمەس ەكسپورتتى قولداۋ ماقساتىمەن الداعى 3 جىلدا قوسىمشا 500 ميلليارد تەڭگە ءبولۋدى تاپسىردى.

سوڭعى جاڭالىقتار