24 تامىز 2018, 12:26 1743 0 مەملەكەتتىك باعدارلامالار اسەل انۋاربەك

باسپانامەن قامتۋ – باستى مىندەت

تۇرعىنداردى باسپانامەن قامتۋ قاشان دا ماڭىزدى ماسەلە. بۇگىنگە دەيىن وزەكتىلىگىن جويماعان بۇل ماسەلە ەلىمىزدە شەشىمىن تاۋىپ كەلەدى. ول ءۇشىن مەملەكەت باسشىسىنىڭ ارنايى تاپسىرماسىن بەكىتىلگەن مەملەكەتتىك باعدارلامالار قولعا الىندى. مۇنداي باعدارلامالار جامبىل وڭىرىندە دە ءوز ناتيجەسىن بەرۋدە.

قازاقستان پرەزيدەنتى نۇرسۇلتان نازارباەۆ 2018 جىلعى «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا: «جۇزەگە اسىرىلىپ جاتقان باعدارلامالار ارقاسىندا قازاقستاندا پايدالانۋعا بەرىلگەن تۇرعىن ۇيلەردىڭ كولەمى جىلىنا 10 ميلليون شارشى مەتردەن استى. تۇرعىن ءۇيدى كوپشىلىككە قولجەتىمدى ەتكەن تۇرعىن ءۇي جيناقتاۋ جۇيەسى ءتيىمدى جۇمىس ىستەۋدە. باسپانامەن قامتۋ كورسەتكىشى سوڭعى 10 جىلدا ءبىر تۇرعىنعا شاققاندا 30 پروتسەنتكە ءوسىپ، بۇگىندە 21,6 شارشى مەتردى قۇرادى. بۇل كورسەتكىشتى 2030 جىلى 30 شارشى مەترگە دەيىن جەتكىزۋ كەرەك»، – دەگەن بولاتىن.

حالىقتى تۇرعىن ۇيمەن قامتاماسىز ەتۋدە ايتارلىقتاي ماڭىزدى ءرول اتقارعان «نۇرلى جەر» باعدارلاماسى بويىنشا جامبىل وبلىسىندا ءساتتى جۇمىستار جۇرگىزىلىپ كەلەدى. ماسەلەن، اتالمىش باعدارلاما اياسىندا ت.رىسقۇلوۆ اۋدانىندا بيىل 9500 شارشى مەتر بولاتىن 100 جەكە مەنشىك تۇرعىن ءۇي سالۋ جوسپارلانىپ وتىر. قازىرگى ۋاقىتتا جامبىل وبلىسىنىڭ اۋداندارىندا باسپانامەن قامتاماسىز ەتۋ ماسەلەسىنە ايرىقشا نازار اۋدارىلىپ وتىر. سونىڭ ناتيجەسىندە اۋدان حالىقتارى باسپانالى بولىپ جاتىر. مۇنىڭ ءبىر دالەلى – سارىسۋ اۋدانىنداعى باسپانامەن قامتاماسىز ەتۋ كورسەتكىشى. سارىسۋ اۋدانىندا تۇرعىن ءۇي قۇرىلىسى 2017 جىلمەن سالىستىرعاندا 2,3 ەسە ۇلعايدى. بۇگىندە اۋداندا تۇرعىن ءۇي قۇرىلىسى بويىنشا دا قارقىندى جۇمىستار جۇرگىزىلۋدە. ماسەلەن، ۇستىمىزدەگى جىلدىڭ قاڭتار-ماۋسىم ايلارىندا جالپى الاڭى 7895,0 شارشى مەتر بولاتىن 11 جەكە تۇرعىن ءۇي مەن 1 كوممۋنالدىق كوپقاباتتى تۇرعىن ءۇي پايدالانۋعا بەرىلىپ، تۇرعىن ءۇي قۇرىلىسى كولەمى 2017 جىلمەن سالىستىرعاندا 2,3 ەسە ۇلعايعان.

ال مەملەكەت باسشىسى نۇرسۇلتان نازارباەۆتىڭ ناۋرىز ايىندا جاريالاعان «پرەزيدەنتتىك بەس الەۋمەتتىك باستاماسى» اتتى ۇندەۋىندەگى كورسەتىلگەن مىندەتتەردى ورىنداۋ ماقساتىندا «7-20-25» مەملەكەتتىك باعدارلاماسى قولعا الىنعانى بەلگىلى. بۇگىندە تۇرعىنداردى باسپانامەن قامتۋ اتالعان باعدارلامانىڭ ماڭىزى ايرىقشا. جامبىل وبلىسىندا دا «7-20-25» باعدارلاماسى بويىنشا جاڭا تۇرعىن ۇيلەردىڭ قۇرىلىس جۇمىستارى ءجۇرىپ جاتىر. مىسالى، جامبىل وبلىسىنىڭ ورتالىعى – تاراز قالاسىنداعى №15 مولتەك اۋدانىندا جاڭادان بەس قاباتتى تۇرعىن ۇيلەر بوي كوتەرۋدە. مۇنداعى 10 ۇيدەگى 800 پاتەر جىل سوڭىنا دەيىن تاپسىرىلۋى ءتيىس. بۇگىندە  تاراز قالاسى بويىنشا 15,3 مىڭ ادام باسپانا كەزەگىندە تۇرعان بولسا، ەلباسى باستاماسى اياسىندا اتالعان باعدارلامامەن 9 مىڭعا جۋىق وتباسى  باسپانامەن قامتىلاتىن بولادى. بۇل پاتەر كەزەگىندە تۇرعانداردىڭ 58,8 پايىزىن قۇرايدى. قازىرگى ۋاقىتتا وڭىردە 13 تۇرعىن ءۇي قۇرىلىسى جۇرگىزىلۋدە. 7 ءۇي قايتا جاڭعىرتۋدان ءوتىپ جاتىر. جىل سوڭىنا دەيىن 1570 پاتەر پايدالانۋعا بەرىلەدى. باعدارلاما بويىنشا 9 مىڭداي ازاماتتى باسپانامەن قامتۋ كوزدەلگەن.

جامبىلدىقتارعا «7-20-25» باعدارلاماسى بويىنشا باسپانا الۋدىڭ ءتيىمدى تەتىكتەرى دە تۇسىندىرىلۋدە. تاياۋدا تاراز قالاسىندا ورنالاسقان «جەڭىس» ساياباعىندا «7-20-25» ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» يپوتەكالىق تۇرعىن ءۇي كرەديتتەۋ باعدارلاماسىن اقپاراتتىق ءتۇسىندىرۋ ماقساتىندا اكتسيا وتكىزىلدى. اكتسيا جۇمىسىنا «قازاقستان حالىق بانكى»، «تسەسنا بانك»، «اتف بانك»، «بانك تسەنتركرەديت» بانكىلەرى، تاراز قالاسىندا «7-20-25» باعدارلاماسى اياسىندا تۇرعىن ءۇي قۇرىلىسىن جۇرگىزۋشى قۇرىلىس جانە جوبالاۋشى كومپانيالار، قالا تۇرعىندارى قاتىستى. اكتسيا بارىسىندا «7-20-25» باعدارلاماسى بويىنشا پاتەردى ساتىپ الۋ جولدارى، قولجەتىمدىلىگى، قۇنى جانە ءار بانكتىڭ شارتتارى جايلى ماماندار تۇرعىندارعا تولىققاندى ماعلۇمات بەردى.

«7-20-25» باعدارلاماسى بويىنشا باسپانالى بولۋ ءۇشىن العاشقى جارنانىڭ كولەمى دە 20 پايىزعا دەيىن تومەندەتىلگەن. بۇل تۇرعىندار ءۇشىن تيىمدىرەك بولعانى ءسوزسىز. جەرگىلىكتى اكىمدىك، جاۋاپتى مەملەكەتتىك ورگاندار بۇل باعدارلامانىڭ تيىمدىلىگى، ارتىقشىلىقتارى تۋرالى حالىققا ءالى دە كەڭىنەن ناسيحات جۇرگىزەتىنى ءسوزسىز.

سوڭعى جاڭالىقتار