23 ءساۋىر 2018, 11:00 1392 0 ماقساتتىڭ فوتو بلوگى ماقسات قۇسايىنوۆ

1-كۋرس كۋرسانتتارى العاش رەت پاراشيۋتپەن سەكىردى

قۇرلىق اسكەرلەرى اسكەري ينستيتۋتىنىڭ  دەسانتتىق-شابىلداۋىلشى بولىمشەلەرىن جانە بارلاۋ بولىمشەلەرىن باسقارۋ ماماندىعى بويىنشا ءبىلىم الىپ جاتقان ءبىرىنشى كۋرس كۋرسانتتارى مي-17 تىكۇشاعىنان وزدەرىنىڭ العاشقى پاراشيۋتپەن سەكىرۋلەرىن ورىندادى.

- كۋرسانتتار اۋەگە العاش كوتەرىلەر الدىندا ولارمەن تەوريالىق جانە جەر ءۇستى دايارلىعى وتكىزىلدى. بولاشاق وفيتسەرلەر قۇرلىق اسكەرلەرى اسكەري ينستيتۋتىنىڭ اسكەري جانە ارناي بارلاۋ كافەدراسىنىڭ تاجىريبەلى وقىتۋشىلارىنىڭ جەتەكشىلىگىمەن پاراشيۋت جۇيەلەرىنىڭ تاكتيكالىق-تەحنيكالىق سيپاتتامالارىن، كۇمبەزدىڭ اشىلۋىنا دەيىنگى جانە اشىلعاننان كەيىنگى پاراشيۋتشىلەردىڭ ءىس-قيمىلدارىن ۇيرەتتى، جەرگە قونۋ ءتارتىبىن پىسىقتادى. سىناق تاپسىرعاننان كەيىن عانا كۋرسانتتار سەكىرۋگە رۇقسات الدى، دەيدى 3 روتا كومانديرى اعا لەيتەنانت كازبەك يسمايلوۆ.

بۇل جولى كۋرسانتتار ءبىرىنشى رەت قارۋسىز جانە جول دورباسىز سەكىردى. بولاشاقتا قارۋمەن جانە تولىق جابدىقتارىمەن كۋرسانتتار تۇندە، كۇردەلى جەرگىلىكتى جەر جاعدايىندا نەمەسە سۋعا سەكىرەتىن بولادى.

كۋرسانتتارمەن بىرگە تىكۇشاقتان 1 باتالون 3 روتا باسقارماسى بىرگە پاراشيۋتپەن سەكىردى.

1 باتالون 3 روتا كومانديرىنىڭ تاربيە جانە يدەولوگيالىق جۇمىستار جونىندەگى ورىنباسارى اعا لەيتەنانت ەركەبۇلان نارىنباەۆتىڭ ايتۋى بويىنشا:     - كۋرسانتتار وزدەرىمەن بىرگە ءبىر تىكۇشاقتا پاراشيۋتپەن سەكىرۋگە دايىن كومانديرلەرىن كورگەن كەزدە ولاردىڭ مورالدىق-پسيحولوگيالىق جاعدايى ايتارلىقتاي نىعايىپ، جاۋ

اپكەرشىلىگى ارتادى، ءوز كۇشتەرىنە دەگەن سەنىمى نىعايادى .

دەسانتتاۋ ءساتتى وتكەنىن، بارلىق كۋرسانتتار قويىلعان تاپسىرمالاردى ويداعىداي ورىنداعاندارىن ايتا كەتكەن ءجون.

وتان قورعاۋ ءىسىن وزدە­رىنىڭ باستى ماماندىقتارى دەپ بىلەتىن دەسانتشى كۋرسانتتار الداعى ۋاقىت­تا تالاي بەلەستى باعىندىرارى ءسوزسىز.

سوڭعى جاڭالىقتار