17 قازان 2016, 16:33 1451 0 سىرتقى ساياسات دينارا مىڭجاسارقىزى

توكيو مەن ماسكەۋ كۋريلدى بىرلەسىپ باسقارۋ ماسەلەسىن قارامايدى

جاپونيانىڭ سىرتقى ىستەر مينيسترلىگى تاكيو ماسكەۋگە داۋلى كۋريل ارالىن بىرلەسىپ باسقارۋدى ۇسىنادى دەگەن حاباردى تەرىسكە شىعاردى.

جاپونيانىڭ تۇبەگەيلى ۇستانىمى وزگەرمەدى: توكيو رەسەيمەن ءتورت ارالدىڭ كىمگە تيەسىلى ەكەنىن انىقتايتىن بەيبىت كەلىسىمگە كەلەدى دەپ مالىمدەدى جاپونيا ءسىم وكىلى.

وسىنىڭ الدىندا Nikkei گازەتى جاپونيا پرەمەر-ءمينيسترى سيندزو ابە رەسەي پرەزيدەنتى ۆلاديمير پۋتينمەن كۋريلدىڭ داۋلى ءتورت ارالىن بىرلەسىپ باسقارۋ مۇمكىندىگى جونىندە جازعان.

سوڭعى رەت ەكى ەل ليدەرى بۇل ماسەلەنى قىركۇيەك ايىنىڭ باسىندا ۆلاديۆوستوكتا وتكەن شىعىس ەكونوميكالىق فورۋمدا كوتەرگەن. پۋتين رەسەي داۋلى ارالدى جاپونياعا ساتپايدى نەمەسە بەرمەيدى دەپ مالىمدەگەن.

ەكىنشى دۇنيەجۇزىلىك سوعىستىڭ سوڭىندا سسرو جاپونيانىڭ كۋريلدەگى ءتورت ارالىن باسىپ العان. بۇل ونداعان جىلدار بويىندا ەكى ەل قارىم-قاتىناسىنا سالقىنىن تيگىزىپ، بەيبىت كەلىسىمگە كەلۋگە مۇمكىندىك بەرمەي كەلەدى.

سوڭعى جاڭالىقتار