12 قازان 2016, 09:25 1597 0 سىرتقى ساياسات دينارا مىڭجاسارقىزى

ەۋرووداق ورتالىق ازيادا ەكسترەميزمنىڭ وسۋىنە الاڭدايدى

تاجىكستانداعى ەۋروپالىق وداق وكىلىنىڭ باسشىسى حيدويات بيشچەۆيچ ورتالىق ازيا ەلدەرىندە تۇراقسىزدىق جايلاپ، ەكسترەميزم مەن راديكاليزم ىقپالى ءوسۋىن قاۋىپتى جاعداي دەپ اتادى.

ەلشى بۇل جونىندە 11 قازاندا تاجىكستاندا ءوتىپ جاتقان «راديكاليزم مەن ەكسترەميزم ماسەلەلەرىن شەشۋدىڭ جولدارى – ورتالىق ازيا كوزقاراسى» دەپ اتالاتىن حالىقارالىق كونفەرەنتسيادا مالىمدەدى. ونىڭ سوزدەرىنشە، اۋعانستانداعى تۇراقسىزدىق ورتالىق ازياعا، اسىرسە تاجىكستانعا اسەر ەتىپ جاتىر.

«ەلگە دەموكراتيانى كەڭەيتۋ ارقىلى عانا ەكسترەميزمنىڭ الدىن الۋعا بولادى. تاجىكستان تەرروريزم مەن ەكسترەميزمگە قارسى كۇرەستە ازاماتتىق قارسى قۇرۋ تاجىريبەسىن قولدانۋعا بولادى»، - دەدى ول.

حيدويات بيشچەۆيچ سونىمەن بىرگە بيلىكتىڭ ازاماتتىق قوعاممەن بايلانىس ورناتۋى ماڭىزدى دەپ سانايدى. بۇل ماسەلەدە ازاماتتىق قوعام شەت قالماۋى ءتيىس دەگەن ول، ەۋروپالىق ساراپشىلار ەكسترەميزم مەن راديكاليزمنىڭ الدىن الۋعا ۇسىنىستارىن بەرۋگە ءازىر ەكەنىن ايتتى.

ادۆوكات ديلافرۋز سامادوۆا ءوزىنىڭ سوزىندە تاجىكستاندا ەكسترەميزمگە قارسى كۇرەستىڭ باستى جولى – ەلدەگى ادام قۇقىقتارىنىڭ ساقتالۋى دەپ ەسەپتەيدى.

سوڭعى جاڭالىقتار